شرمین عبید چنائے نے ایک اور اعزاز حاصل کر لیا

شرمین عبید چنائے نے ایک اور اعزاز حاصل کر لیا

آسکر اکیڈمی ایوارڈ یافتہ، پاکستانی فلمساز شرمین عبید چنائے نے ایک اور عزاز حاصل کر لیا۔

برطانوی انسانی حقوق کی تنظیم ’دی پیپلز پورٹفولیو‘ نےشرمین عبید چنائے کو ایک اور اعزاز سے نواز دیا۔

شرمین عبید چنائے کو برطانوی انسانی حقوق کی تنظیم نے اپنی دستاویزی فلموں کے ذریعے متاثر کن قیادت، اور انسانوں کے لیے بڑی ہمت کا مظاہرہ کرنے پرایوارڈ سے نوازا۔

یاد رہے کہ اس برطانوی تنظیم کی بنیاد افلاطون نے رکھی ہے جو ایک مشہور برطانوی پورٹریٹ اور دستاویزی فوٹوگرافر ہیں۔

اس تنظیم کا بنیادی مقصد معاشرے میں موجود کسی بھی قسم کی رکاوٹوں اور امتیازی سلوک کے خلاف تخلیقی انداز میں آواز اٹھانا اور دنیا بھر میں انسانی حقوق کی حمایت کے لیے عام لوگوں کے ساتھ شامل ہونا ہے۔

اس کے ساتھ ساتھ یہ تنظیم مستقبل کے کام اور انسانوں سے متعلق دیگر منصوبوں میں مدد فراہم کرنے کے لیے فنڈ جمع کرنے کی ایک مہم کا اہتمام کرتی ہے۔

برطانوی انسانی حقوق کی تنظیم کی جانب سے ہر سال انسانی حقوق کے لیے آواز اٹھانے کے لیے غیر معمولی کام کرنے والی کسی بھی شخصیت کواعزاز سے بھی نوازا جاتا ہے۔

تاہم اس بار ’دی پیپلز پورٹفولیو‘ نے پاکستانی فلمساز شرمین عبید کو پاکستان میں خواتین کے مسائل اور ان کے حقوق کے حوالے سے بنائی گئی دستاویزی فلموں کی ہدایت کاری پر ایوارڈ دیا ہے۔

x

Check Also

کترینہ کیف کی شادی میں موبائل فون پر پابندی آخر کیوں؟ وجہ سامنے آگئی

کترینہ کیف کی شادی میں موبائل فون پر پابندی آخر کیوں؟ وجہ سامنے آگئی

بالی ووڈ کی اداکارہ کترینہ اور اداکار وکی کوشل کی شادی میں موبائل فون کے ...

%d bloggers like this: