جمائما خان کے سابق بوائے فرینڈ اور برطانوی کامیڈین رسل برانڈ آج کل مشکل میں ہیں ، متعدد خواتین کی طرف سے زیادتی اور ہراسمنٹ کے الزامات کے بعد یو ٹیوب نے ان کے چینل سے اشتہارات کی آمدن بند کر دی ہے جبکہ بی بی سی نے رسل برانڈ کے کچھ پروگرام اپنی سٹریمنگ سروس سے ہٹا دئیے ہیں ۔
برطانوی میڈیا میں چند روز قبل رسل برانڈ کے متعلق ایک رپورٹ نے تہلکہ مچا رکھا ہے جس میں خواتین نے اداکار پر زیادتی اور ہراسمنٹ کے الزامات لگائے ۔ ان الزامات کا دورانیہ 2006 سے 2013 تک پھیلا ہوا ہے ۔ ایک خاتون کے مطابق وہ صرف 16 سال کی تھیں جب رسل برانڈ نے ان پر جنسی حملہ کیا ۔
برطانوی پولیس کا کہنا ہے کہ ان خبروں کی اشاعت کے بعد انہیں رسل برانڈ کے خلاف 2003 میں جنسی حملے کی شکایت موصول ہوئی ہے جس کی تحقیقات کی جا رہی ہیں ۔ رسل نے ان الزامات کی تردید کرتے ہوئے کہا ہے کہ انہوں نے ہمیشہ خواتین کی رضامندی کے مطابق تعلقات قائم کیے ۔
ان الزامات کے شور میں ایک پرانا الزام بھی پھر سامنے آیا ہے اور اس الزام کی لپیٹ میں سابق وزیراعظم عمران خان کی پہلی بیوی جمائما خان بھی آ گئی ہیں ۔ ایک پروفیشنل مساجر خاتون نے جون 2014 میں رسل برانڈ کے خلاف پولیس کو ناروا سلوک کی شکایت درج کرائی ۔ اس شکایت میں کہا گیا کہ رسل برانڈ کی گرل فرینڈ جمائما خان نے انہیں 500 پاونڈ ادا کیے تھے تا کہ وہ رسل برانڈ کی سالگرہ پر اداکار کا مساج کریں ۔ اس کے لیے مساجر خاتون کوجمائما کی آکسفورڈ شائر میں رہائش گاہ پر بلایا گیا ۔ خاتون نے الزام لگایا کہ رسل برانڈ نے ان سے ناروا سلوک کیا اور انہیں دھکے دئیے ۔ جماما خان اور ان کے بوائے فرینڈ رسل برانڈ نے اس الزام کی تردید کی ۔ اس الزام کے کچھ عرصہ بعد ستمبر 2014 میں جمائما خان اور رسل برانڈ نے علحیدگی اختیار کر لی تھی ۔
عمران خان کی سابق اہلیہ جمائما خان اور برطانوی کامیڈین رسل برانڈ کی دوستی برطانوی میڈیا کے لیے ایک سنسنی خیز خبر تھی ۔ دونوں جون 2013 سے ستمبر 2014 تک ایک دوسرے کو ڈیٹ کرتے رہے ۔ دونوں جہاں جاتے صحافی اور فوٹوگرافر ان کا تعاقب کرتے اور برطانوی میڈیا ان کے متعلق خبروں کو مصالحہ لگا کر پیش کرتا ۔ رسل برانڈ کو ایک منہ پھٹ ، منشیات کا عادی کامیڈین سمجھا جاتا تھا جو برطانوی اشرافیہ کا مذاق اڑاتا جبکہ جمائما خان اس برطانوی اشرافیہ کی نمائندہ خاتون تھیں ، وہ برطانیہ کے چند امیر اور بااثرترین والدین کی بیٹی تھیں ۔ ان کے والد سر جیمز گولڈ سمتھ ارب پتی کاروباری تھے اور ان کی والدہ لیڈی انابیل کا تعلق لندن کے ایک اعلیٰ خاندان سے تھا ۔
جمائما اور رسل کے تعلق کی خبر گولڈ سمتھ خاندان کے لیے اچھی نہیں تھی اور ان کی طرف سے تحفظات کا اظہار بھی کیا گیا لیکن جمائما خان بری طرح رسل برانڈ کی محبت میں گرفتار ہو چکی تھی ۔
جمائما کے ایک قریبی دوست کے مطابق جمائما کا کہنا تھا کہ وہ پہلے کسی ایسے شخص سے نہیں ملیں جو رسل جیسا ہو اور انہیں غیر معمولی اہمیت کا احساس دلاتا ہو، وہ اپنی باقی زندگی رسل کے ساتھ ہی گزارنا چاہتی ہیں۔
جمائما کا کہنا تھا کہ رسل بیڈروم میں بہت ایڈونچریس ہے، وہ ان کے جسم کا ہر تار چھیڑ دیتا ہے اور رسل کے ساتھ گزرا وقت انہیں ہمیشہ کم ہی محسوس ہوتا ہے ، رسل کے ساتھ تعلق ان کی زندگی کا بہترین جنسی تعلق ہے ۔ جمائما خان اور رسل براند کا یہ لو افئیر 15 ماہ ہی چل پایا ، جس کے بعد دونوں الگ ہو گئے ۔
عمران خان سے طلاق کے بعد جمائما خان بھی بہت سے مردوں کے ساتھ رشتے میں رہی ہیں ۔ ان میں رسل برانڈ کے علاوہ اداکار ہیو گرانٹ اور گلوکارہ میڈونا کے سابق شوہر گائے رچی بھی شامل ہیں ۔ جمائما خان فلم پروڈیوسر جان بیٹسک اور ادبی ایجنٹ لیوک جینک لو کو بھی ڈیٹ کرتی رہی ہیں
برطانوی کامیڈین رسل برانڈ خواتین کے ساتھ تعلقات کی وجہ سے ہمیشہ خبروں میں رہے ۔ رسل نے گلوکارہ کیٹی پیری سے 2010 میں شادی کی جو 2012 میں طلاق پر ختم ہوئی
۔ 2017 میں رسل کی گرل فرینڈز میں معروف ماڈل کیٹ موس ، اداکارہ و گلوکارہ کورٹنی لو ، سپائس گرل بینڈ کی رکن جیری ہیلی ول ، پلے بوائے ماڈل ہولی میڈیسن ، کیسی سمر سمیت درجنوں خواتین شامل ہیں .۔
