’سن کر صدمہ ہوا کہ طیارہ ایران نے تباہ کیا‘: فخر عالم

’سن کر صدمہ ہوا کہ طیارہ ایران نے تباہ کیا‘: فخر عالم

خود جہاز اڑا کر دنیا کا چکر لگانے والے پہلے پاکستانی فخر عالم  نے یوکرینی طیارہ حادثے پر اظہار  افسوس کیا ہے۔

سماجی رابطے کی ویب سائٹ ٹوئٹر پر انہوں نے اپنے ٹوئٹس میں لکھا کہ انہیں یہ سن کر شدید صدمہ پہنچا ہے کہ تہران میں  مسافر طیارے کی تباہی کا ذمہ دار ایران ہے۔

انہوں نے لکھا کہ اس بات پر یقین کرنا مشکل ہے، میں جہاز میں موجود تمام مسافروں کا درد محسوس کرسکتا ہوں اور پائلٹ نے آخری لمحوں میں خود کو کتنا بے بس محسوس کیا ہوگا۔یہ بلاشبہ ایک دل دہلا دہنے والا واقعہ ہے۔

اپنے ایک اور ٹوئٹ میں انہوں نے لکھا کہ مجھے یقین نہیں آرہا کہ ایک مسافر طیارہ اپنی منزل کی طرف بڑھتے ہوئے دشمن کےطیارے کے گمان پر  میزائل کا شکار  ہوا۔

واضح رہے کہ 8 جنوری کو تہران سے یوکرین کے دارالحکومت کیف جانے والا مسافر طیارہ بوئنگ 737 حادثے کا شکار ہوا تھا جس میں  167 مسافر اور عملے کے 9 افراد سوار تھے۔

Dunya Today

x

Check Also

احتیاط کیجیئے کورونا مذاق نہیں بلکہ سنگین وائرس ہے، شوبزفنکار

کراچی: شوبزفنکاروں کا کہنا ہے کہ کورونا وائرس کوئی مذاق نہیں بلکہ ایک سنگین وائرس ...

%d bloggers like this: