اتنی خوبصورت ہوں کہ محبت کے لیے کوئی لڑکا نہیں مل رہا، ملکہ حسن

برطانیہ کی ریاست ویلز کی ملکہ حسن نے دعویٰ کیا ہے کہ انہیں ان کی خوبصورتی کی وجہ سے محبت کے لیے کوئی ڈھنگ کا لڑکا نہیں مل پا رہا۔

ویلز کے شمالی شہر کانوے سے تعلق رکھنے والی سوئس نژاد ویلز کی 23 سالہ دوشیزہ جوئے اسٹارکلے نے یہ خدشہ بھی ظاہر کیا ہے کہ خوبرو ہونے کی وجہ سے انہیں کوئی غلط لڑکا بھی مل سکتا ہے۔

جوئے اسٹارکلے نے گزشتہ چند سال میں ریاست ویلز میں ہونے والے کم سے کم 3 مقابلہ حسن جیتے ہیں اور وہ اپنی ذہانت، خوبصورتی اور سماجی خدمات کی وجہ سے منفرد شہرت بھی رکھتی ہیں۔

جوئے اسٹارکلے نے کم سے کم 3 مقابلہ حسن جیت رکھے ہیں—فوٹو: انسٹاگرام


دلچسپ بات یہ ہے کہ خود کو خوبصورت اور خوبرو ترین کہنے والی جوئے اسٹارکلے نے حال ہی میں ’بی بی سی‘ کے ایک پروگرام سے خود کو محض اس لیے الگ کیا، کیوں کہ اس پروگرام میں شرکت کرنے والی خواتین کو میک اپ کے بغیر شامل ہونا تھا۔

اس پروگرام میں 5 خوبصورت ترین لڑکیوں کو شامل کیا جاتا ہے، جنہیں میک اپ کیے بغیر کسی انجانے مرد کے ساتھ وقت گزارنے کا موقع دیا جاتا ہے۔

پروگرام کا مقصد نوجوان لڑکیوں اور لڑکوں کو ظاہری خوبصورتی کے بجائے ان کے خیالات اور اندرونی خوبصورتی کے تحت ساتھی تلاش کرنے کا موقع دینا ہے۔

جوئے اسٹارکلے نے میک اپ کے بغیر ٹی وی پروگرام میں شرکت کرنے سے انکار کیا—فوٹو: انسٹاگرام


اسی مقصد کے تحت ہی لڑکیوں کو بغیر میک اپ کے پروگرام کا حصہ بنایا جاتا ہے، تاہم جوئے اسٹارکلے نے اس پروگرام میں شامل ہونے سے محض اس لیے انکار کیا، کیوں کہ انہیں میک اپ کے بغیر شامل ہونا پڑ رہا تھا۔

برطانوی ویب سائٹ ’نارتھ ویلز لائیو‘ کے مطابق جوئے اسٹارکلے کا کہنا تھا کہ وہ میک اپ کرنے پر یقین رکھتی ہیں اور وہ اس کے بغیر پروگرام میں شرکت نہیں کریں گی۔

جوئے اسٹارکلے نے کہا کہ اگرچہ وہ خوبصورت ہیں، تاہم وہ ہمیشہ میک اپ کرتی ہیں، چاہیں وہ آنکھوں میں کاجل لگانا ہی کیوں نہ ہو۔

جوئے اسٹارکلے کے مطابق بعض لڑکے ملے مگر وہ عجیب و غریب تھے —فوٹو: انسٹاگرام


انہوں نے خدشہ ظاہر کیا کہ میک اپ نہ کرنے کی وجہ سے انہیں غلط قسم کا لڑکا بھی محبت کے لیے مل سکتا ہے اور وہ ان کا غلط استعمال بھی کر سکتا ہے۔

ملکہ حسن رہنے والی جوئے اسٹارکلے کے مطابق اب تک انہیں ان کی خوبصورتی کی وجہ سے ان کے معیار کے مطابق محبت کے لیے کوئی لڑکا نہیں مل پایا اور انہیں یہ خدشہ ہے کہ انہیں خوبرو دیکھ کر کوئی بھی غلط آدمی ان کا دلدادہ ہو سکتا ہے۔

انہوں نے دعویٰ کیا کہ وہ اتنی خاص اور خوبرو ہیں کہ اچھے لڑکے ان سے ملتے وقت شرمسار ہوجاتے ہیں جب کہ ان کے ساتھ ملنے والے وہ لڑکے جو انہیں پسند نہیں آئے وہ عجیب و غریت خیالات کے مالک ہوتے ہیں۔

جوئے اسٹارکلے کے مطابق خدشہ ہے کہ خوبرو ہونے کی وجہ سے کوئی غلط لڑکا نہ مل جائے —فوٹو: انسٹاگرام
x

Check Also

’کرتارپور راہداری پاکستانیوں کے کشادہ دل ہونے کی نشانی ہے‘

’کرتارپور راہداری پاکستانیوں کے کشادہ دل ہونے کی نشانی ہے‘

تمغہ امتیاز کا اعزاز حاصل کرنے والی پاکستانی نامور اداکارہ مہوش حیات نے کرتارپور راہداری کے افتتاح ...

%d bloggers like this: