کشمیریوں کی داستانیں سن کر پتھر بھی روپڑیں، کانگریس

کشمیریوں کی داستانیں سن کر پتھر بھی روپڑیں، کانگریس

بھارت کی سب سے بڑی اپوزیشن جماعت انڈین نیشنل کانگریس کے سربراہ راہول گاندھی نے مقبوضہ کشمیر کی صورتحال کا انتہائی خراب قرار دیتے ہوئے کہا ہے کہ وہاں کے لوگوں کی کہانی سن کر پتھر بھی روپڑیں۔

بھارت کے اپوزیشن رہنماء راہول گاندھی کی قیادت میں سرینگر ایئرپورٹ پہنچے تو انہیں شہر میں جانے کی اجازت نہ دی گئی اور ایئرپورٹ سے ہی واپس نئی دہلی بھجوادیا گیا۔

نئی دہلی ایئرپورٹ پر میڈیا سے گفتگو کرتے ہوئے راہول گاندھی کا کہنا تھا کہ کچھ روز پہلے گورنر جموں و کشمیر کی جانب سے ملنے والی دعوت قبول کی تھی، ہم یہ جاننا چاہتے تھے کہ مقبوضہ کشمیر میں لوگوں کی کیا حالت ہے لیکن ہمیں ایئرپورٹ سے آگے نہیں جانے دیا گیا۔

وہ کہتے ہیں کہ ایئرپورٹ پر ہمارے ساتھ جانیوالے لوگوں اور میڈیا نمائندوں کو زدو کوب کیا گیا، واضح ہوگیا کہ جموں و کشمیر کے حالات نارمل نہیں۔

کانگریس رہنماء اور سابق وزیراعلیٰ جموں و کشمیر غلام نبی آزاد کا میڈیا سے گفتگو میں کہنا تھا کہ ہمارے وفد کو سرینگر میں داخلے کی اجازت نہیں دی گئی، جموں و کشمیر کی صورتحال انتہائی خوفناک ہے، جہاز میں ہمارے ساتھ موجود کشمیریوں نے جو داستانیں سنائیں وہ سن کر پتھروں کی آنکھوں سے بھی آنسو بہہ نکلیں۔

x

Check Also

فیس بک نے مقبول ترین گف سروس گفی کو خرید لیا

فیس بک نے مقبول ترین گف سروس گفی کو خرید لیا

فیس بک نے دنیا کی مقبول ترین انیمیٹڈ تصاویر شیئر کرنے والی سروس گفی کو ...

%d bloggers like this: