آزادی صحافت کے تمام دعوے دھرے کے دھرے رہ گئے۔ آسڑیلوی سپیشل فورسز کے افغانستان میں جنگی جرائم آشکار کرنے پر وفاقی پولیس نے سرکاری چینل پر ہی چھاپہ مار دیا۔
غیر ملکی خبر رساں ایجنسی کے مطابق آسٹریلوی حکومت نے الزام عائد کیا ہے کہ اے بی سی نیوز نے کلاسیفائڈ معلومات نشر کر کے قانون کی خلاف ورزی کی ہے۔
سرکاری چینل 2017ء سے مسلسل آسٹریلوی سپیشل فورسز کے افغانستان میں انجام کردہ جنگی جرائم کی تحقیقاتی خبریں نشر کر رہا ہے۔ عالمی میڈیا نے اس اقدام کو آزادی صحافت پر شب خون قرار دیا ہے۔
