میں بھی خان ہوں، دہشتگرد نہیں

انسداد دہشتگردی عدالت نے چار مقدمات میں ضمانت قبل از گرفتاری ملنے پرچیئرمین پاکستان تحریک انصاف عمران خان نے اپنی خوشی کااظہارکچھ الگ ہی انداز میں کیا۔

سماجی رابطوں کی ویب سائٹ ٹوئٹرپر اپنے پیغام میں عمران خان نے بالی ووڈ کے کنگ خان شاہ رخ خان کی فلم کا مشہور زمانہ ڈائیلاگ ’’مائی نیم ازخان اینڈ آئی ایم ناٹ ٹیررسٹ‘‘ لکھ ڈالا۔

اپنے دہشتگرد نہ ہونے کا یقین دلاتے ہوئے عمران خان نے لکھا کہ سپریم کورٹ بھی مجھے صادق اور امین قرار دے چکی ہے اور میں ان چور اچکوں کے پیچھے پڑا ہو۔

 عمران خان کی یہ ٹویٹ صارفین کو بھی بھا گئی، جس پر دھڑا دھڑ تبصرے کیے جا رہے ہیں۔

واضح رہے کہ انسداددہشتگردی عدالت نےآج ایس ایس پی تشدد، پارلیمنٹ اور پی ٹی وی حملے سمیت چار کیسز میں عمران خان کی ضمانت قبل از گرفتاری منظورکی ہے۔

چاروں مقدمات سال 2014 میں ڈی چوک دھرنے کے دوران درج کیے گئے تھے۔انسداد دہشتگردی عدالت نے 13دسمبر کو چیئرمین پی ٹی آئی کی عبوری ضمانت میں دوجنوری تک کی توسیع کی تھی۔عدالت نے دہشتگردی کی دفعات ختم کرکے مقدمات سول عدالت منتقل کرنے کی درخواست مسترد کردی تھی۔

عمران خان کے علاوہ سربراہ پاکستان عوامی تحریک ڈاکٹر طاہرالقادری بھی ان مقدمات میں شریک ملزم ہیں۔ عدالت نے سربراہ عوامی تحریک کو اشتہاری قرار دے رکھا ہے

مزید پڑھیے:

چھپن چھپائی کیسی فلم ہے؟

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: