کوئٹہ: ہزار گنجی میں خودکش حملہ کرنے والے کی شناخت ہو گئی

کوئٹہ: ہزار گنجی میں خودکش حملہ کرنے والے کی شناخت ہو گئی

کوئٹہ کے علاقے ہزار گنجی میں رواں سال رمضان المبارک میں ہونے والے خود کش حملے کے ملزم کی شناخت ہو گئی، حملہ آور کا تعلق نوشکی سے بتایا جاتا ہے۔

سی ٹی ڈی کے ترجمان کے مطابق ہزار گنجی خود کش حملے کی تحقیقات میں اہم پیش رفت ہوئی ہے، خود کش حملے میں خود کو دھماکے سے اڑانے والے نوشکی کے نوجوان کی شناخت اسامہ ولد بشیر احمد کے نام سے ہوئی ہے۔

حملہ آور اسامہ کی شناخت ڈی این اے ٹیسٹ کے ذریعے عمل میں آئی ہے۔

کوئٹہ کے علاقے ہزار گنجی میں رواں سال رمضان المبارک میں 13 اپریل کو خودکش حملہ کیا گیا تھا، جس کے نتیجے میں 20 افراد جاں بحق جبکہ 32 زخمی ہوئے تھے۔

سی ٹی ڈی ترجمان نے دعویٰ کیا ہے کہ واقعے میں گرفتاریاں متوقع ہیں، ملزم کا قریبی عزیز سریاب روڈ پر پولیس مقابلے میں مارا گیا تھا۔

x

Check Also

آرمی چیف کی دوسری مدت سے دو دن پہلے فوج میں اہم تبدیلیاں

بری فوج کے سربراہ جنرل قمر جاوید باجوہ نے اپنے دوسرے دور ملازمت شروع ہونے ...

%d bloggers like this: