پاکستان اور بھارت کے ایٹمی ہتھیار دگنے ہوگئے

پاکستان اور بھارت کے ایٹمی ہتھیار دگنے ہوگئے

بھارت اور پاکستان کے جوہری اسلحہ خانے میں ایک عشرے کے دوران نیوکلیائی بموں کی تعدادڈبل ہو گئی ہے، جبکہ پچھلے چند برسوں میں پاکستان نے بھارت سے زیادہ نیوکلیائی بم تیار کرلیے  ہیں۔

 سویڈین میں قائم ادارے اسٹاک ہوم انٹرنیشنل پیس ریسرچ انسٹی ٹیوٹ نے اپنی ایک حالیہ رپورٹ میں کہا ہے کہ دنیا میں جوہری ہتھیاروں کی مجموعی تعداد میں کمی آئی ہے لیکن جنوبی ایشیائی خطے میں اس میں اضافہ ہو ا ہے۔

 رپورٹ کے مطابق آج سے دس برس قبل بھارت کے پاس 60 سے 70  جوہری بم موجودتھے، جبکہ پاکستان کے پاس اس وقت تقریباً 60 بم تھے لیکن 2019 میں دونوں ملکوں کے پاس نیوکلیائی بموں کی تعداد ڈبل ہوگئی ہے۔

سوئیڈش انسٹیٹوٹ کے تخفیف اسلحہ پروگرام کے سربراہ شینن کائل نے برطانوی نشریاتی ادارے سے گفتگو کرتے ہوئے کہا کہ بھارت اور پاکستان کے درمیان گزشتہ چار پانچ ماہ سے سخت کشیدگی پائی جاتی ہے، اور اس سال فروری میں دونوں ملک جنگ کے کنارے پہنچ گئےتھے،ایسے وقت میں جوہری بموں کی تیاری  خطے کی صورتحال کی عکاس ہے۔

x

Check Also

انگلینڈ کرکٹ کا نیا ورلڈ چیمپئن

انگلینڈ کرکٹ کا نیا ورلڈ چیمپئن

کرکٹ ورلڈ کپ 2019ء کے فائنل میں میزبان انگلینڈ نے سنسنی خیز مقابلے کے بعد ...

%d bloggers like this: