پاکستان پیپلز پارٹی کے چیئرمین بلاول بھٹو زرداری نے پیشہ ور بھکاریوں کیخلاف کریک ڈاؤن پر تنقید کرتے ہوئے وزیراعظم عمران خان کو تنقید کا نشانہ بنایا ہے۔
بلاول بھٹو نے سماجی رابطوں کی ویب سائٹ ٹوئٹر پر جاری پیغام میں کہا کہ اگرواقعی پیشہ ور بھکاریوں کو گرفتار کرنا ہے تو سلیکٹڈ وزیراعظم سے شروع کریں۔
اسلام آباد میں پیشہ ور بھکاریوں کی گرفتاری پر بلاول بھٹو نے تبصرہ کرتے ہوئے مزید کہا کہ یہ غربت نہیں بلکہ غریب مٹاؤ حکومت ہے۔
Yeh ghurbat nahi ghareeb mitao hakoomat hai. Agar wakay hi professional beggars ko arrest karna hai tau Wazeer-e-Azam Select say shuru kar lay… https://t.co/I3BHwKAcMm
— BilawalBhuttoZardari (@BBhuttoZardari) May 21, 2019
خیال رہے کہ بڑے شہروں بشمول اسلام آباد اور خاص طور پر کراچی میں پیشہ ور گداگروں کی بھرمار ہے جنہوں نے عوامی مقامات اور کھانے پینے کی جگہوں پر عوام کا تھوڑی دیر کھڑا ہونا بھی محال کررکھا ہے۔
رمضان المبارک کے مہینے میں ان پیشہ ور بھکاریوں کی تعداد میں مزید اضافہ ہوجاتا ہے جس کے خلاف اب اسلام آباد میں کریک ڈاؤن کیا جارہا ہے۔
واضح رہے کہ ہمارا مذہب اسلام بھی پیشہ ور گداگری کی حوصلہ شکنی اور محنت کرکے رزق حلال کمانے کا درس دیتا ہے۔
