پولنگ کے دن عوام کو کوئی نہیں روک سکتا، مریم نواز

ایک اور ن لیگی رہنماء کی نااہلیت پر مریم نواز بھی بول پڑیں، کہتی ہیں مسلم لیگ ن کو ٹارگٹ وہ لوگ کررہے ہیں جو جانتے ہیں کہ الیکشن میں ہماری جیت ہوگی، الیکشن کے دن عوامی قوت کو کوئی نہیں روک سکتا۔

مسلم لیگ ن کے قصور سے رہنماء شیخ وسیم توہین عدالت کیس میں سزا کے بعد نااہل ہوگئے، وہ این اے 137 سے ن لیگ کے ٹکٹ پر الیکشن میں حصہ لے رہے تھے۔

شیخ وسیم کی نااہلی پر مریم نواز نے تحفظات کا اظہار کرتے ہوئے کہا کہ دنیا دیکھ رہی ہے کہ ن لیگ کو ٹارگٹ کیا جارہا ہے، کیونکہ سب جانتے ہیں مسلم لیگ ن جیت رہی ہے، جو مرضی کرلیں، انتخابات کے دن عوام کو کوئی نہیں روک سکے گا۔

 

ان کا کہنا ہے کہ چالیں چلی جارہی ہیں جس سے ظاہر ہوگیا کہ ن لیگ جیتے گی، پاکستان واپس جانے کا ابھی فیصلہ نہیں کیا، بیگم کلثوم نواز کی صحتیابی کے بعد خود وطن جانا چاہتے تاکہ اپنے لوگوں کے درمیان ہوں۔

اس سے قبل گزشتہ روز مسلم لیگ ن کے رہنماء دانیال عزیز کو بھی توہین عدالت کیس میں سزا کے بعد انتخابات کیلئے نااہل قرار دے دیا گیا تھا، مسلم لیگ ن کے کئی رہنماء بھی توہین عدالت، کرپشن سمیت کئی مقدمات میں کیسز کا سامنا کررہے ہیں جبکہ سابق وزیراعظم نواز شریف کو پاناما کیس میں سیاست کیلئے تاحیات نااہل قرار دیا جاچکا ہے۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: