شہبازشریف اور چوہدری نثار کی اہم ملاقات

سلم لیگ ن کے ناراض رہنماچوہدری نثار نے وزیراعلیٰ پنجاب شہبازشریف سے ملاقات کر کے اپنے تحفظات سے آگاہ کیا۔

سابق وفاقی وزیرداخلہ اور خادم اعلیٰ کی ملاقات ماڈل ٹاؤن میں ہوئی، تقریبا 45 منٹ جاری رہنے والی ملاقات میں پارٹی امور پر بات چیت ہوئی۔

ذرائع کے مطابق شہبازشریف نے چوہدری نثارکے تحفظات پر نوازشریف سے بات کرنے کی یقین دہانی کرائی۔ ساتھ ہی یہ بھی واضح کیا کہ وہ پارٹی کے صدر ہیں اور نوازشریف قائد ہیں، مریم نواز کا کردار صرف پارٹی رہنما کا ہے ۔

شہبازشریف نے چوہدری نثار کو مشورہ دیا کہ وہ کچھ دن صبر کریں ، اسطرح دوریاں بڑھ رہی ہیں، حالات بہتر ہوجائیں گے۔ یہ بھی کہا کہ چوہدری نثار پارٹی کا اثاثہ ہیں۔

واضح رہے کہ چوہدری نثار گزشتہ کافی عرصے سے پارٹی قیادت سے ناراض ہیں اور اسی وجہ سے سیاسی حالات کے تناظر میں بلائے جانے والے پارٹی کے اہم مشاورتی اجلاسوں میں بھی شرکت نہیں کر رہے

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: