پاکستانی معاشرہ تبدیلی کیلئے تیارہے؛ماہرہ خان

اداکارہ ماہرہ خان کا کہنا ہے کہ ان کی فلم ’’ورنہ ‘‘ پر پابندی کچھ لوگوں کے فیصلے کی وجہ سے لگائی گئی۔ پاکستانی معاشرہ تبدیلی کے لیے تیار ہے۔
برطانوی جریدے کو انٹرویو میں ماہرہ خان نے شعیب منصور کی ڈائریکشن میں بننے والی اپنی فلم ورنہ سے متعلق بات کرتے ہوئے کہا کہ’’ فلم کے کچھ پہلوؤں سے اختلاف کیا گیا تھا لیکن بنیادی پیغام سے نہیں۔ کچھ لوگوں کی مخالفت کی بناپرفلم کی نمائش پر پابندی عائد کردی گئی لیکن میرے لیے کامیابی یہ ہے کہ اکثریت نے اس اقدام کی مخالفت کی اور پھر ایسا نہیں ہوا‘‘۔
فلم ’’ورنہ‘‘ پر حساس موضوع اور ریاستی اداروں کو ٹھیک سے پیش نہ کرنےکااعتراض عائد کرتے ہوئے پابندی عائد کی گئی تھی لیکن عوام کی جانب سے مخالفت پر مرکزی فلم سینسر بورڈ نے قابل اعتراض مواد نکالنے کے بعد پابندی کا فیصلہ واپس لے لیا تھا۔
ماہرہ نے اپنے انٹرویومیں کہا کہ فلم کو لے کر میں اس لیے تھوڑا نروس تھی کہ یہ اداکاری کے لحاظ سے کیسی رہے گی لیکن اس کے موضوع کے ساتھ میں ڈٹ کر کھڑی تھی۔
اداکارہ نے قصورمیں زیادتی کے بعد قتل کی جانے والی معصوم بچی زینب کے قتل کو پاکستانی معاشرے کے لیے بریکنگ پوائنٹ قراردیتے ہوئے کہا کہ ہر کوئی اس کیخلاف سڑکوں پرآکرانصاف مانگ رہا تھا۔ پاکستان میں ناخواندگی زیادہ ہے اور ہم ابھی تک ایسے موضوعات کو غیرت کے نام پرلیتے ہیں۔ لیکن اب پاکستان تبدیلی کیلئے تیار ہے۔
ماہرہ نے کہا کہ ہمارے والدین نے ہمیشہ وہ کرنے کی آزادی دی جو ہم کرنا چاہتے تھے، اور ہم یہ بات سمجھتے تھے کہ ہم اپنی پسند اور نتائج کے ذمہ دارخود ہیں۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: