کس کس کومفت ٹکٹ چاہیے، نجم سیٹھی کا بڑا اعلان

پاکستان سپر لیگ (پی ایس ایل) تھری میں سنسنی خیز مقابلوں کا سلسلہ جاری ہے اور پاکستانی بے صبری سے لاہور اور کراچی میں ہونے والے میچوں کا انتظار کر رہے ہیں لیکن اس کیساتھ ہی مفت ٹکٹوں کے خواہشمند افراد بھی حرکت میں آ چکے ہیں۔

چیئرمین نجم سیٹھی نے ایسے افراد کو مفت مشورہ دے کر پاکستانی قوم کو خوش کر دیا ہے کیونکہ انہوں نے میچوں کیلئے مفت ٹکٹیں دینے سے صاف انکار کرتے ہوئے کہا ہے کہ آپ میں اپنے دوستوں اور رشتہ داروں سے بھی کہتا ہے کہ وہ مجھ سے مفت پاسز مت مانگیں۔
نجم سیٹھی نے سماجی رابطوں کی ویب سائٹ پر جاری اپنے پیغام میں کہا کہ ”میں دوستوں، رشتہ داروں، حکومتی ارکان، اعلیٰ عہدیدار ، وی آئی پی لوگوں اور وی آئی پی بننے کی خواہش کرنے والے لوگوں سے درخواست کرتا ہوں کہ وہ سب یا تو آن لائن ٹکٹ خریدیں یا پھر لاہور کراچی میں موجود ٹی سی ایس سنٹرز سے ٹکٹیں خریدیں۔
برائے مہربانی مجھ سے مفت پاسز کا تقاضا مت کریں، آپ سب پیسوں کے عوض ٹکٹیں خریدنے کی استطاعت رکھتے ہیں، بہت بہت شکریہ!!!“

نجم سیٹھی کے اس اعلان سے پاکستان میں وی آئی پی کلچر کے مخالف عام پاکستانی شہری بہت خوش ہیں جن کا کہنا ہے کہ مفت ٹکٹیں دے پر اپنوں کو نوازنے کی روایت ختم کرنا خوش آئند اقدام ہے اور جو بھی میچ دیکھنے کا خواہشمند ہے، اسے اپنی جیب سے ہی ٹکٹ خریدنا چاہئے۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: