پی ٹی آئی کوبڑاجھٹکا:پی کے 88 شانگلہ کے انتخاب کالعدم قرار

جمعیت علمائے اسلام(فضل الرحمان گروپ) نے تحریک انصاف کی بڑی وکٹ گرادی۔ سپریم کورٹ نےجے یو آئی ف کے شیر عالم خان کی اپیل منظورکرتے ہوئےصوبائی وزیرعبدالمنعم خان کا الیکشن کالعدم قرار دے دیا۔
سپریم کورٹ میں جسٹس عظمت سعید کی سربراہی میں دو رکنی بینچ نے تحریک انصاف کے رکن صوبائی اسمبلی عبدالمنعم کے انتخاب کو کالعدم قرار دینے سے متعلق درخواست کی سماعت کی۔
درخواستگزار کے وکیل اکرم شیخ نے موقف اخیتار کیا کہ عبدالمنیم خان انیس سو ستاسی سے مارچ دو ہزار تیرہ تک اسکول ٹیچر رہے جبکہ سرکاری ملازم ریٹائرمنٹ کے دو سال بعد الیکشن نہیں لڑسکتا۔
عدالت عظمیٰ نے شواہد اور ثبوتوں کی روشنی میں عبدالمنعم کا الیکشن کالعدم قرار دے دیا ۔ عبدالمنعم پی کے 88 شانگلہ سے رکن صوبائی اسمبلی منتخب ہوئے تھے۔ عبدالمنعم پر الزام تھا کہ وہ انتخابات سے ایک ماہ قبل تک سرکاری عہدے پر فائز رہے۔
پشاورہائی کورٹ نے رکن صوبائی اسمبلی عبد المنعم کی رکنیت بحال کی تھی جبکہ الیکشن کمیشن نے عبدالمنعم کے انتخابات کو کالعدم قرار دے دیا تھا۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: