خواتین خوفزدہ: کراچی میں بھی ٹرائی روم اسکینڈل سامنے آگیا

فیصل آباد کے بعد کراچی کے شاپنگ مال میں بھی ٹرائی روم خواتین کیلئے ٹریپ روم نکلا ۔کلفٹن دو تلوار کے قریب مشہوربرانڈ کے آؤٹ لیٹ میں خاتون کے ساتھ پیش آنےوالے واقعے نے سب کے ہوش اڑادیے۔
کپڑے خریدنے کے بعد خواتین انہیں ٹرائی کہاں کریں؟ یہ مسئلہ سنگین صورتحال اختیارکرچکا ہے۔ بڑے بڑے شاپنگ مالز میں کروڑوں کمانے والی معروف فیشن برانڈز کے ٹرائی روم سے خواتین ڈرنے لگیں۔
فیصل آباد میں تو ٹرائی روم میں کیمرا چھپایا گیا تھا لیکن کراچی میں حد ہوگئی۔ مشہور برانڈ کے آؤٹ لیٹ میں جیتا جاگتا بندہ چھپا بیٹھا تھا ۔ سوشل میڈیا پرخاتون کی پوسٹ نے کھلبلی مچادی۔
خاتون نے سوشل میڈیا پر اپنے ساتھ پیش آنے والے واقعہ کی تمام تفصیلات بیان کرتے ہوئے لکھا کہ وہ پسند آنے والے کپڑ ے ٹرائی کر کے دیکھنے ہی والی تھیں کہ انہیں آئینے میں ایک دروازے کی ناب ہلتی نظر آئی۔ انہوں نے کھول کر دیکھا تو وہاں نیلے کپڑوں میں ملبوس آدمی چھپا بیٹھا تھا۔
خاتون کے مطابق مجھے دیکھتے ہی اس نے منہ چھپا لیا، شور مچانے پر سب جمع ہوگئے۔ معاملہ کی سنگینی جان کر آؤٹ لیٹ والوں نے غلطی تسلیم کرلی ۔ معروف فیشن برانڈ کے منیجر نے کہاں کہ ہم اسے ملازمت سے نکال دیں گے۔ خاتون نے سماٗ کے پروگرام نیا دن میں آپ بیتی بیان کرتے ہوئے کہا کہ کیا ایسا کرنے سے مسئلے کا حل نکل آئے گا۔
متاثرہ خاتون کا مطالبہ ہے کہ انہیں لیٹر ہیڈ پر معذرت لکھ کردی جائے۔ خواتین کو ٹرائی رومز استعمال نہ کرنے کا مشورہ بھی دے دیا۔
مذکورہ واقعہ 20فروری کو دوتلوارکے قریب واقع آؤٹ لیٹ میں پیش آیا تھا۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: