دنیا کے امیر ترین شہروں کی فہرست میں ’ممبئی‘ کا نام شامل

یورپ اور امریکا کے بعد اب ایشیائی شہر بھی ترقی کی بلندیوں کو چھو رہے ہیں۔ دنیا کے امیر ترین شہروں کی فہرست میں اب ایشیائی شہروں کے نام بھی نمایاں ہورہے ہیں تاہم ان میں ایک بھی پاکستانی شہر شامل نہیں بلکہ جس شہر کی نصف آبادی سڑکوں کے کنارے رہتی اور پائپوں میں زندگی بسر کرتی تھی اب وہ شہر ’مالدار‘ شمار ہورہا ہے۔ درست سمجھے آپ ہم بات کررہے ہیں بھارتی شہر ممبئی کی۔
نیو ورلڈ ویلتھ رپورٹ کے مطابق ممبئی کے’ میڑو ایریا ‘ نامی پوش علاقے کے رہائشی افراد کی جائیداد اور دیگر اثاثوں کی مالیت 950ارب ڈالر ہے۔ یہی وجہ ہے کہ ممبئی دنیا کے امیر ترین شہروں میں 12ویں نمبر پر آیا ہے۔
ممبئی کے علاوہ ٹوکیو، بیجنگ، شنگھائی، ہانگ کانگ اور سنگاپور بھی دنیا کے 15امیر ترین شہروں کی فہرست میں شامل ہیں جبکہ اس فہرست میں اول درجہ حاصل کرنے کا تاج ’نیو یارک‘ کے سر جاتا ہے۔
نیو ورلڈ ویلتھ کی جانب سے جاری کردہ 15 امیر ترین شہروں کی فہرست:

نیو یارک:
نیویارک میں رہنے والوں کی مجموعی دولت 30 کھرب ڈالر ہے جس کے سبب یہ شہر دنیا کےامیر ترین شہروں کی فہرست میں پہلے نمبر پر آتا ہے۔ نیو یارک اسٹاک ایکسچینج دنیا کادوسرا بڑا اسٹاک ایکسچینج ہے۔

لندن:
لندن کے رہائشی تمام افراد کی دولت 27 کھرب ڈالر ہے۔ اسی شہر میں دنیا کا چھٹا بڑا اسٹاک ایکسچینج بھی ہے۔ اس کے علاوہ لندن کے چھوٹے علاقوں کی دولت اس رپورٹ کےاعداد و شمار کا حصہ نہیں ہے۔

ٹوکیو:
جاپان کے دارالحکومت ٹوکیو میں رہنے والوں کی نجی دولت 25 کھرب ڈالر ہے جبکہ ٹوکیو اسٹاک ایکسچینج دنیاکا تیسرا بڑا اسٹاک ایکسچینج ہے۔

سان فرانسسکو بے ایریا:
اس علاقے کی مجموعی دولت 23 کھرب ڈالر ریکارڈ کی گئی ہے۔

بیجنگ:
چینی شہر بیجنگ 22 کھرب ڈالر کی مالکیت رکھتا ہے۔ اسی شہر میں چین کی بڑی کمپنیوں کے ہیڈ آفس بھی موجود ہیں۔

شنگھائی:
دنیا کے امیر ترین شہروں کی فہرست میں چھٹے نمبر پر چین کا ہی دوسرا شہر شنگھائی آتا ہے جس کے رہنے والوں کی کل دولت 20 کھرب ڈالرہے۔ اسی شہر کو چین کاتجارتی مرکز بھی کہا جاتا ہے۔ شنگھائی اسٹاک ایکسچینج دنیا کا چوتھا جبکہ چین کا سب سے بڑا اسٹاک ایکسچینج ہے۔

لاس اینجلس:
امریکی ریاست لاس اینجلس کی مجموعی دولت 14 کھرب ڈالرہے۔

ہانگ کانگ:
ہانگ کانگ امیر شہروں کی فہرست میں آٹھویں نمبر پر آتا ہے جس کی کل دولت 13کھرب ڈالر ہے۔ یہ شہرایشیاء اور یورپ کے درمیان ’گیٹ وے‘ کاکام سر انجام دیتا ہے۔

سڈنی:
سڈنی کے رہنے والو ں کی مجموعی دولت 10 کھرب ڈالر ہے ۔ اس شہر کا شمار ایشیاء کے ٹاپ تجارتی شہروں میں کیا جاتا ہے۔

سنگاپور:
دسواں امیر ترین شہر ہونے کا اعزاز ’سنگاپور‘ کو حاصل ہے جس کی کل دولت 10 کھرب ڈالر ہے۔ سنگا پور کو دنیا کی سب سے زیادہ ’بزنس فرینڈلی‘ ریاست کہا جاتا ہے۔ اس کے علاوہ یہاں ٹیکس کی شرح بھی کم ہے۔

شکاگو:
شکاگو کے رہنے والے تمام افراد کی مشترکہ دولت 988 ارب ڈالر ہے۔

ممبئی:
بھارتی شہر ’ممبئی‘ دنیا کے امیر ترین شہروں کی فہرست میں 12ویں نمبر پر آتا ہے۔ یہاں رہنے والے تمام لوگوں کی مجموعی دولت 988 ارب ڈالر ہے۔ ممبئی اسٹاک ایکسچینج دنیا کا 12واں بڑا اسٹاک ایکسچینج ہے۔

ٹورنٹو:
کینیڈا کے شہر ٹورنٹو کی کل دولت 944 ارب ڈالر ہے جبکہ اس کااسٹاک ایکسچینج دنیا کا 9 واں بڑا اسٹاک ایکسچینج ہے۔

فرینکفرٹ:
فرینکفرٹ اسٹاک ایکسچینج دنیا کا 11 واں بڑا اسٹاک ایکسچینج ہے۔ اس شہر میں رہنے والےتمام افراد کی کل دولت 912 ارب ڈالر ہے۔

پیرس:
فرانس کا دارلحکومت ’پیرس ‘دنیا کے امیر ترین شہروں کی فہرست میں 15ویں نمبر پر آتا ہے۔ یہاں رہنے والوں کی مجموعی دولت 860 ارب ڈالر ہے۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: