ایک بیان پرمسلمان گلوکارہ فرانسیسی ٹیلنٹ شو سے باہر

: فرانس میں ایک مسلمان گلوکارہ کو دہشتگرد حملوں سے متعلق بیان کے بعد سوشل میڈیا پر کڑی تنقید کا سامنا کرنا پڑا، اسی وجہ سے گلوکارہ کو ٹی وی شو بھی چھوڑنا پڑ گیا۔

فرانسیسی ذرائع ابلاغ کے مطابق مینیل نے سال 2016 میں فرانسیسی شہر نیس میں ہونے والے ٹرک حملے سے متعلق اپنے شبہات کو مد نظر رکھتے ہوئے ردعمل ظاہر کرتے ہوئے کہا تھا کہ یہ اچھی بات ہے، ہر ہفتے ایک حملہ معمول ہی بن گیا ہے اور دہشتگرد ہمیشہ اپنے ساتھ شناختی کارڈ لیے پھرتا ہے۔ مینیل کی اس طنزیہ پوسٹ پر اصل اعتراض ان کے ہیش ٹیگ پر اٹھایا گیا جس کا مقصد تھا کہ ’’ہمیں بیوقوف مت سمجھو‘‘۔

اس تبصرے پر سوشل میڈیا پر شدید ردعمل دیکھنے میں آیا۔ صارفین نے اسے ہلاک افراد کی توہین اور ناقابل قبول قرار دیا۔ گلوکارہ پر کڑی تنقید کے بعد ٹی وی شو ’’ فرانس وائس‘‘ کی انتظامیہ نے دباؤ کی تاب نہ لاتے ہوئے مینیل کو شوسے باہر ہونے کیلئے کہنا پڑا۔مینیل کا تعلق شام سے ہے۔

گلوکارہ نے وضاحتی بیان میں کہا کہ میرا ردعمل سیاق وسباق سے ہٹ کرپیش کیا گیا، بعد میں اپنا تبصرہ ڈیلیٹ کردیا تھا۔ خود پرتنقید کے بعد بائیس سالہ مینیل ابتصام کا کہنا ہے کہ میں دہشتگردی کی مذمت کرتی ہوں۔ فیس بک پرجاری بیان میں انہوں نے کہا کہ میں کسی کو دکھ نہیں دینا چاپتی تھی۔ اس شو ست دستبردارہورہی ہوں۔

کچھ افراد کی جانب سے مینیل کی حمایت بھی دیکھنے میں آئی، سوشل میڈیا پرکہا گیا کہ گلوکارہ کو مسلمان ہونے کی وجہ سے نشانہ بنایا جا رہا ہے۔

واضح رہے کہ نیس حملے میں 86 افراد جان سے گئے تھے

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: