معروف امریکی گلوکار پرنس سے وابستہ اشیاء کی نیلامی کا فیصلہ کیا گیا ہے جس کے بعد اس نیلامی کی تیاریاں شروع کردی گئی ہیں۔
گلوکار پرنس کے اسٹائلش ملبوسات، گٹار اور جوتوں سمیت کئی اشیاء کی نیلامی مئی میں کی جائے گی۔
امریکی آکشن ہاؤس کے اعلان کے مطابق گلوکار پرنس کے اسٹائلش ملبوسات،گٹار اور جوتوں سمیت کئی اشیاء کی نیلامی رواں برس 18مئی کو کی جائے گی۔
ان اشیاء کی نیلامی کی تقریب امریکی شہر لاس اینجلس کے ہارڈ راک کیفے میں منعقد کی جائے گی جبکہ ان اشیاء کی خریداری آن لائن بھی کی جاسکے گی۔
واضح رہے کہ یہ اشیاء پرنس کے عزیز و اقارب اور ان کے قریبی ملازمین کی جانب سے فروخت کی جارہی ہیں۔