آرمی چیف جنرل قمر جاوید باجوہ نے مزید 10 دہشتگردوں کی سزائے موت اور تین دہشت گردوں کی عمرقید کی سزا کی توثیق کردی۔
آئی ایس پی آر سے جاری بیان کے مطابق فوجی عدالتیں پہلے ہی ان دہشتگردوں کو سزائے موت سنا چکی ہیں، جبکہ دہشتگرد شہریوں کے قتل، تعلیمی اداروں پر حملوں، سیکیورٹی اہلکاروں کی شہادت اور دیگرسنگین جرائم میں ملوث ہیں۔
دہشتگردوں نے 41 اہلکاروں اور 33 شہریوں کو قتل کیا، جبکہ اسلحہ اور دھماکہ خیز مواد بھی برآمد کیا گیا۔
دہشتگردوں میں سمیع الرحمان، عظیم خان، ارشد بلال، انور علی، محمد علیم، فضل علیم، رسول محمد، سہیل احمد، نعمت اللہ اور رحمت علی شامل ہیں۔