راؤ انوار، نقیب کو دہشتگرد قرار دینے پر بضد، مزید انکشافات

ایس ایس پی ملیر راؤ انوار کا کہنا ہے کہ نقیب اللہ کی ہلاکت پر بے بنیاد پروپیگنڈا کیا جارہا ہے، ملزم دہشت گردی کی متعدد کارروائیوں میں مطلوب اور ایف سی صوبیدار کے قتل میں بھی ملوث تھا۔

ایس ایس پی ملیر راؤ انوار نے مبینہ پولیس مقابلے میں ہلاک نقیب اللہ کو دہشت گرد قرار دے دیا، کہتے ہیں ہلاکت پر بے بنیاد پروپیگنڈا کیا جارہا ہے، ملزم کا تعلق کالعدم تحریک طالبان سے ہے، وہ دہشت گردی کی کئی کارروائیوں میں ملوث تھا،

راؤ انوار نے مزید کہا کہ نقیب اللہ محسود ایف سی صوبیدار اور اس کے رشتہ دار کے قتل میں ملوث تھا، مارے گئے ملزم نے ایف سی کیمپ پر بھی حملہ کیا۔

واضح رہے کہ کراچی کے علاقے شاہ لطیف ٹاؤن میں مبینہ پولیس مقابلے میں نقیب اللہ ہلاک ہوگیا تھا، مقتول کا تعلق وزیرستان سے تھا جو 2007ء میں کراچی آیا تھا، نقیب اللہ کے کزن کا کہا تھا کہ وہ حب چوکی پر فیکٹری میں مزدوری کرتا تھا، دو ماہ قبل سہراب گوٹھ مارکیٹ میں دکان کرائے پر لی اور وہاں کپڑے کا کاروبار کرنا چاہتا تھا۔

دوسری جانب وزیر داخلہ سندھ سہیل انور سیال نے واقعے کا نوٹس لیتے ہوئے تحقیقات کا حکم دیا تھا جس پر آئی جی پولیس سندھ اے ڈی خواجہ نے سینئر افسران پر مشتمل تحقیقاتی کمیٹی تشکیل دے دی جو تین دن میں اپنی رپورٹ پیش کرے گی، تحقیقات کی روشنی میں راؤ انوار کے مستقبل کا فیصلہ کیا جائے گا۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: