سعودی عرب، پیٹرول اسٹیشن کی پہلی خاتون انچارج

میرفت بخاری نے ریاض کے الحقیل پیٹرول اسٹیشن کی انچارج بن کر مملکت میں پیٹرول اسٹیشن کی پہلی خاتون انچارج ہونے کا اعزاز حاصل کرلیا۔

بخاری الحقیل انویسٹمنٹ گروپ میں میڈیا سیکشن کی سربراہ بھی ہیں۔

انہوں نے ایک عربی ویب سائٹ سے گفتگو کرتے ہوئے کہا کہ الحقیل پیٹرول اسٹیشن سعودی عرب میں جملہ خدمات فراہم کرنے والا پہلا ڈیجیٹل ماڈل پیٹرول اسٹیشن ہے۔ ممکن ہے یہ مشرق وسطی کا بھی پہلا ہو کیوں کہ یہ کارکردگی کے حوالے سے منفرد ہے۔ یہاں صفائی کا معیار نہایت اعلی درجے کا ہے۔ یہ پیٹرول اسٹیشن مملکت بھر میں قائم پیٹرول اسٹیشنوں کے لئے ایک مثال ثابت ہوگا۔

انہوں نے کہا کہ وہ میڈیا سے منسلک ہیں۔ ان کا کام مختلف خدمات کو اجاگر کرنا ہے۔ اس حوالے سے حاصل ہونے والے تجربے سے فائدہ اٹھاتے ہوئے پیٹرول اسٹیشن کو جدید شکل اورانداز میں منظم کیا ہے۔ کارکنان کو بہتر کارکردگی پر ترغیبات بھی پیش کی گئی ہیں۔ انکی کارکردگی کا مسلسل جائزہ لیا جاتا رہیگا۔ نتائج کی بنیاد پر ترغیبات دی جائیں گی۔

بخاری نے ایک سوال کے جواب میں کہا کہ شوق ہو تو ہر مشکل خود بخود آسان ہوجاتی ہے۔ انہوں نے کہا کہ میں چاہتی ہوں کہ سعودی لڑکیاں پیٹرول اسٹیشن کے کام اپنے ہاتھ میں لیں۔ کسی ڈر اور خوف کی ضرورت نہیں۔

انہوں نے یہ بھی کہا کہ ہمارے پیٹرول اسٹیشن پر صارفین کو جو سہولتیں مہیا کی جائیں گی وہ لوگوں کو حیران کردیں گی

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: