برطانوی آنجہانی گلوکار جارج مائیکل کے بارے میں نئی سوانح حیات میں انکشاف کیا گیا ہے کہ لیڈی ڈیاناجارج مائیکل کو بہت پسند کرتی تھیں اور ان کی ملاقات ایڈز کے حوالے سے منعقدہ ایک تقریب میں ہوئی تھی ۔
جارج مائیکل کی سوانح حیات کے حوالے سے شائع ہونے والی کتاب ’جارج مائیکل ۔ فریڈم‘کے مطابق جارج مائیکل کا کہنا تھا کہ ایڈز کے حوالے سے منعقدہ تقریب میں ملاقات کے بعد سے جارج مائیکل کا شمار لیڈی ڈیانا کے انتہائی قریبی دوستوں میں ہونے لگا تھا ۔
کتاب میں دعویٰ کیا ہے کہ وہ دونوں نجی ملاقاتوں کے علاوہ فون پر بھی باتیں کیا کرتے تھے تاہم جارج مائیکل کا کہنا تھا کہ وہ فون کرنے میں اکثر شرماتے تھے کیونکہ وہ سمجھتے تھے کہ کہیں اسے نجی زندگی میں مداخلت نہ سمجھ لیا جائے۔
کتاب کے مطابق لیڈی ڈیانا نے پرنس چارلس سے اپنی طلاق سے متعلق تفصیلات بھی جارج مائیکل سے شیئر کی تھیں جس میں لیڈی ڈیانا کا کہنا تھا کہ وہ ہر قیمت پر اس شاہی خاندان سے فرار حاصل کرکے رہے گی ۔
جارج مائیکل کا کہنا تھا بہت سے دیگر خواتین کی طرح لیڈی ڈیانا بھی اس کی جانب مائل تھی کیونکہ انہیں شاید مجھ سے کوئی خطرہ محسوس نہیں ہوتا تھا۔
واضح رہے کہ 1997 میں لیڈی دیانا کے انتقال کے بعد جارج مائیکل نے اپنا اگلا البم ڈیانا کے نام کردیا تھا
