پاکستان کی تاریخ کی مہنگی ترین پن بجلی بنانےکی تیاری

ملکی تاریخ میں مہنگی ترین پن بجلی پیدا کرنے کی تیاری کرلی گئی ہے۔نجی کمپنی نے کوہالہ پن بجلی منصوبے کیلئے نیپرا سے دس روپے دو پیسے فی یونٹ پیشگی ٹیرف مانگ لیا۔

نیپرا کے مطابق نجی کمپنی نے پیشگی ٹیرف کی درخواست دی ہے جو کہ گیارہ سو چوبیس میگاواٹ پن بجلی منصوبے کیلئے مانگا گیا ہے۔ منصوبہ آزاد کشمیر کے دارالحکومت مظفر آباد کے قریب برسالہ کے مقام پر تعمیر کیا جائے گا جس پر ایک سو اناسی ارب روپے لاگت آئے گی۔

نیپرا نے پیشگی ٹیرف منظور کر لیا تو یہ ملک میں پن بجلی کا مہنگا ترین پاور پلانٹ ہو گا۔

نیپرا نے وزارت توانائی،عوام اور فریقین سے آراء طلب کرلی ہیں جس کے بعد ٹیرف کی حتمی منظوری دی جائے گی۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: