شوہر کوقتل کرنے کے بعد فلمی منصوبہ ناکام

بھارت میں اپنی نوعیت کی انوکھی گرفتاری سامنے آگئی۔ پولیس نے ایک جوڑے کو گرفتارکیا جس پرعورت کے شوہر کو قتل کرنے کے بعد ملزم مرد پر پلاسٹک سرجری کے ذریعے مقتول کی جگہ لینے کا الزام ہے۔

جنوبی بھارتی ریاست تلینگانہ میں ایک عورت نے اپنے دوست کی مدد سے شوہر کو ٹھکانے لگانے کا منصوبہ بنایا۔ دونوں نے مل کر سواتی ریڈی نامی خاتون کے شوہر کو قتل کردیا جس کے بعد عورت نے ڈرامہ رچایا کہ اس کے شوہر پر تیزاب پھینک دیا گیا ہے جس سے اس کی شکل مسخ ہوگئی۔

دونوں نے مل کرخاتون کے شوہر سودھاکر ریڈی کو 26 نومبرکو قتل کیا اور لاش ٹھکانے لگا دی، 28 نومبرکوخاتون کے شریک جرم دوست راجیش اجکولوکوتیزاب پھینکنے کے بعد اسپتال میں داخل کروایاگیا اورخاتون نے سسرال والوں کو اطلاع دی کہ میرے شوہرپرتیزاب سے حملہ کردیاگیا ہے۔

بہو کے اطلاع دینے پر سودھاکر کے گھروالوں نے کہانی کو سچ تسلیم کرتے ہوئے اپنے بیٹے کے علاج کے لیے سواتی کو 5 لاکھ روپے دیے لیکن جب مقتول سودھاکر کا بھائی اسے دیکھنے کے لیے اسپتال گیا تو اسے شک ہوگیا کہ شخص میرا بھائی نہیں۔

پولیس کے مطابق ملزم اجیش پر اس وقت شک کیا گیا جب اسے مٹن سوپ پیش کیا گیا تو اس نے کہا کہ وہ سبزی خور ہے جبکہ خاتون کاشوہر گوشت کھاتا تھا۔

مقتول کے بھائی نے پولیس کو اطلاع کی جس پر اسپتال کے بیڈ پر لیٹے راجیش اجکولو کے فنگرپرنٹس کے لیے تو انہیں مخلتف پایا۔ معاملہ کھلنے پر خاتون نے اعتراف جرم کرلیا کہ ان دونوں نے مل کرسودھاکرکو قتل کردیا ہے۔

پولیس کے مطابق دونوں ملزمان کا خیال تھا کہ سرجری کے بعد اجیش کی شکل ملزمہ کے شوہر جیسی کرالی جائے گی۔

مقتول کے بھائی نے دونوں کیخلاف قتل کا مقدمہ درج کروادیا ہے جس کے تحت خاتون کو گرفتارکرلیاگیا جبکہ ملزم راجیش کو علاج کے بعد دھرلیا جائے گا۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: