شیاؤمی کے 2 ‘سستے’ فونز پیش

ینی کمپنی شیاؤمی نے اپنے دو نئے ‘سستے’ اسمارٹ فون ریڈمی 5 اور ریڈمی فائیو پلس متعارف کرا دیئے ہیں اور دونوں کا ڈسپلے ریشو 18:9 ہے۔

یہ دونوں فون گزشتہ سال کی ریڈمی فور سیریز کے اپ ڈیٹ ماڈل ہیں اور کمپنی کے مطابق اس سیریز کے فون قیمت میں سستے مگر فیچرز کے لحاظ سے دیگر کمپنیوں کے فلیگ شپ فونز کے ٹکر کے ہیں۔

ریڈمی فائیو دو جی بی ریم اور 16 جی بی اسٹوریج، تھری جی بی ریم اور 32 جی بی اسٹوریج کے دور ورژن میں دستیاب ہوگا۔

اسی طرح فائیو پلس بھی دو ورژن میں متعارف کرایا گیا، تھری جی بی ریم، 32 جی بی اسٹوریج، فور جی بی ریم اور 32 جی بی اسٹوریج۔

ریڈمی فائیوکی اسکرین 5.7 انچ اور کوالکوم اسنیپ ڈراگون 450 پراسیسر دیا گیا ہے جبکہ فائیو پلس 5.99 انچ ڈسپلے کے ساتھ اسنیپ ڈراگون 625 پراسیسر سے لیس ہے۔

دونوں فونز کے بیک پر بارہ میگا پکسل جبکہ فرنٹ پر پانچ میگا پکسل کیمرہ دیا گیا ہے۔

اس پر فور جی انٹرنیٹ چلایا جاسکتا ہے، دوئل سم، بلیوٹوتھ اور وائی فائی وغیرہ دیگر کنٹیویٹی فیچرز ہیں۔

چھوٹا ریڈ می فون 3200 ایم اے ایچ بیٹری جبکہ فائیو پلس 4000 ایم اے ایچ بیٹری کے ساتھ ہے۔

دونوں فونز میں فنگر پرنٹ ریڈر دیا گیا ہے جبکہ اینڈرائیڈ 7.1.2 نوگیٹ آپریٹنگ سسٹم موجود ہے۔

ریڈمی فائیو کی قیمت 799 یوآن (12ہزار 716 پاکستانی روپے) سے 899 یوآن (14 ہزار تین سو روپے سے زائد) ہے جبکہ فائیو پلس 999 یوآن (15 ہزار 899 روپے) سے 1299 یوآن (بیس ہزار 673 روپے) تک فروخت کیا جائے گا۔

یہ دونوں فونز اس وقت چین میں فروخت کے لیے پیش کردیئے گئے ہیں، تاہم دیگر ممالک کے حوالے سے کمپنی نے کسی تاریخ کا اعلان نہیں کیا۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: