حکومت کے گرد گھیرا تنگ، رابطوں میں تیزی آگئی

سانحہ ماڈل ٹاؤن پر پنجاب حکومت کے گردگھیراتنگ کرنے کے لئے طاہرالقادری اپوزیشن رہنماؤں سے مشاورت کریں گے، طاہر القادری کی آصف زرداری سے بھی ملاقات ہوئی جبکہ دو دن میں شیخ رشید بھی ملنے کے لئے پہنچیں گے ۔

جوڈیشل کمیشن کی رپورٹ تو آگئی، اب آئندہ کا لائحہ عمل کیا ہونا چاہئے ؟ طاہرالقادری اور اپوزیشن رہنماوں کے رابطوں میں تیزی آگئی، طاہر القادری اور آصف زرداری کے درمیان بھی ملاقات ہوئی، شیخ رشید اور طاہر القادری میں بھی ملاقات طے ہے۔

پاکستان پیپلزپارٹی پارلیمنٹرین کے صدر آصف علی زرداری اور ڈاکٹر طاہرالقادری کے درمیان ملاقات ہوئی ملاقات میں خورشیدشاہ،قمرزمان کائرہ اورمنظور وٹو بھی شریک تھے۔

دونوں رہنماوں نے ملاقات میں ماڈل ٹاون پر باقر نجفی رپورٹ اور ملکی سیاسی صورتحال پر تبادلہ خیال کیا گیا۔

اس سے قبل آصف زرادری نے طاہرالقادری کو ٹیلی فون کیا،جوڈیشل کمیشن رپورٹ پر تبادلہ خیال کیا تھا اورآصف زرداری نے ملاقات کی دعوت قبول کرلی تھی ۔

طاہرالقادی اورشیخ رشید کے درمیان بھی رابطہ ہوا دونوں رہنماوں میں آئندہ دو روزمیں ملاقات ہوگی، طاہرالقادری پہلے ہی پنجاب حکومت کے خلاف احتجاج کا عندیہ دے چکے ہیں۔

پاکستان تحریک انصاف کےسربراہ عمران خان اورڈاکٹرطاہرالقادری کے درمیان ٹیلیفون پر رابطہ ہوا، عمران خان نے شہدائے ماڈل ٹاؤن کے انصاف کیلئے بھرپور حمایت کی یقین دہانی کرائی۔

پاکستان تحریک انصاف کےسربراہ عمران خان کا کہناتھا کہ حصول انصاف کیلئے ڈاکٹر طاہر القادری جو قدم بھی اٹھائیں گے ساتھ ہونگے۔

ڈاکٹر طاہر القادری نے بھرپور حمایت پر عمران خان کا شکریہ ادا کیا، دونوں رہنماؤں کے درمیان جلد ملاقات پر بھی اتفاق ہوا۔

طاہرالقادری نے گیارہ دسمبرکوعمرہ کی ادائیگی کے لئے جانا ہے لیکن احتجاج کا اعلان ہونے کی صورت میں وہ سعودی عرب نہیں جائیں گے

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: