عالمی بینک نے پاکستان کیلئے تیس کروڑ ڈالر قرض کی منظوری دے دی ہے۔ قرض کی منطوری پاکستان اور آئی ایم ایف کے درمیان ہونے والے حالیہ مذاکرات کے بعد دی گئی۔
تفصیلات کے مطابق عالمی بینک کی جانب سے پاکستان کیلئے تیس کروڑ ڈالر قرض کی منظوری دے دی ہے۔ یہ رقم پنجاب میں زراعت کی ترقی پرخرچ ہوگی۔
ذرائع کے مطابق ملنے والی رقم منصوبہ زراعت کی بہتری سے متعلق بڑے پروگرام کا حصہ ہے۔ عالمی بینک کے مطابق پروگرام سے روزگار کے ساڑھے 3لاکھ نئے مواقع پیدا ہونگے، جب کہ 17 لاکھ افراد غربت سے باہر نکل سکیں گے۔
واضح رہے کہ گزشتہ چار سال سے آئی ایم ایف کا مشن دبئی میں مذاکرات کرتا آرہا ہے، جس میں وزیر خزانہ، سیکریٹری خزانہ، ایڈیشنل سیکریٹری خزانہ، چیئرمین ایف بی آر ان کے ممبر، اسٹیٹ بینک آف پاکستان کے گورنر، ڈپٹی گورنر اور دوسرے وفاقی عہدیدار دبئی جاکر قومی خزانے کی رقوم کے بارے میں آئی ایم ایف مشن کو سہ ماہی کارکردگی بتاتے ہیں، تاہم اس دفع پاکستانی وزیراعظم کی درخواست پر مشن پاکستان آیا ہے