ویسے تو دنیا کے سب سے بڑے فلمی میلے کا اعزاز ’کانز‘ کو حاصل ہے لیکن ’وینس‘ کو دنیا کے قدیم ترین فلم فیسٹیول ہونے کا اعزاز حاصل ہے۔
اٹلی کے شہر وینس میں ہونے والا یہ فلمی میلہ نہ صرف دنیا کا قدیم ترین فلم فیسٹیول ہے بلکہ یہ کانز اور برلن فیسٹیول کے بعد تیسرا بڑا فیسٹیول بھی مانا جاتا ہے۔
28 اگست سے 7 ستمبر تک جاری رہنے والے 76 ویں وینس فلم فیسٹیول میں شرکت کے لیے دنیا بھر سے فلمی ستارے، ہدایت کار، گلوکار، موسیقار، ڈانسرز، پروڈیوسرز، فوٹوگرافرز اور فلمی ناقدین اٹلی پہنچ رہے ہیں۔
ہر سال کی طرح اس سال بھی فیسٹیول میں 4 درجن سے زائد فلمیں دیکھی جائیں گی۔
ہنگری سے تعلق رکھنے والی ماڈل باربرا پالون فوٹوگرافرز کے سامنے تصاویر کے لیے پوز دیتے ہوئے
برطانوی گلوکارہ میل بی فیسٹیول کے پہلے روز ‘دی ٹروتھ’ نامی فلم کی نمائش کے لیے پہنچیں
جنوبی افریقہ سے تعلق رکھنے والی ماڈل کینڈس سوینپول بھی اس فیسٹیول کا حصہ بنیں
سوئیڈش ماڈل ایلسا ہوسک نے اپنے منفرد انداز سے سب کو حیران کردیا
اطالوی اداکارہ اور فیسٹیول کی اسپانسر ایلسانڈرا میسٹرنرڈی بھی ایونٹ کے پہلے روز اپنے بوائے فرینڈ اداکار روس ماکول کے ہمراہ فیسٹیول میں شریک ہوئیں
امریکی ماڈل صوفیہ رچی نے ایونٹ کے پہلے روز اپنے انداز سے سب کا دل جیت لیا
اطالوی اداکار ٹونی سرویلو اور ان کی اہلیہ اداکارہ مینولا لامنا بھی فیسٹیول کے پہلے روز ریڈ کارپٹ پر جلوہ گر ہوئے
امریکی فیشن ماڈل زارا نے بھی ریڈ کارپٹ پر تصاویر کے لیے پوز دیا
ایلسانڈرا میسٹرنرڈی نے اس موقع پر نہایت خوبصورت گاؤن زیب تن کررکھا تھا
امریکی ماڈل جاسمین سینڈرز، جنہیں گولڈن باربی بھی کہا جاتا ہے، اس ایونٹ میں نہایت خوبصورت انداز میں نظر آئیں
سربیا سے تعلق رکھنے والے ہدایت کار ایمر کستوریک بھی اس فیسٹیول کا حصہ بنے