حمزہ اور نیمل کی شادی، عثمان مختار بول پڑے

شوبز کی دنیا میں آج کل حمزہ علی عباسی اور نیمل خاور کی شادی پر جہاں مبارک سلامت کا شور برپا ہے، وہیں الٹی سیدھی باتیں بنانے والے بھی کم نہیں۔

سوشل میڈیا پر یہ باتیں بھی گردش میں ہیں کہ نیمل سے شادی کے پہلے امیدوار عثمان مختار تھے جو ڈرامہ سیریل ’’انا‘‘ میں نیمل کے ساتھی اداکار ہیں لیکن حمزہ علی عباسی کے درمیان میں آ جانے سے یہ تعلق ختم ہوگیا۔

ان تمام باتوں کا جواب دیتے ہوئے عثمان مختار نے کہا ہے کہ اگر وہ اور نیمل، اسکرین پر خوبصورت جوڑی ہیں تو اس کےلیے ’’میں نے، نیمل نے، اسکرپٹ رائٹر اور ڈائریکٹر نے بہت محنت کی ہے لیکن مداحوں کا یہ سمجھنا کہ میں اور نیمل کبھی آپس میں شادی کریں گے، شدید کوفت میں مبتلا کرنے والی بات ہے۔

عثمان کا کہنا ہے کہ نہیں! ہم ایسا نہیں کرسکتے کیونکہ ہماری دوستی بہت پرانی ہے اور ہم بالکل بہن بھائیوں کی طرح ہیں۔ نیمل اور حمزہ کی جوڑی بہت خوبصورت ہے اور لوگوں کو انہیں مستقبل میں ایک دوسرے کے ساتھ خوش و خرم اور صحت مند زندگی کی دعائیں دینی چاہئیں۔

ان کا کہنا تھا کہ حمزہ علی عباسی اور نیمل خاور کی شادی پر وہ بہت خوش ہیں اور مداحوں کی اس سوچ سے کبھی اتفاق نہیں کریں گے کہ حقیقی زندگی میں بھی انہیں اور نیمل کو ایک ساتھ ہونا چاہیے۔

x

Check Also

شرمین عبید چنائے نے ایک اور اعزاز حاصل کر لیا

شرمین عبید چنائے نے ایک اور اعزاز حاصل کر لیا

آسکر اکیڈمی ایوارڈ یافتہ، پاکستانی فلمساز شرمین عبید چنائے نے ایک اور عزاز حاصل کر ...

%d bloggers like this: