آرٹیکل 370 کے خاتمے کا معمار ختم

سابق بھارتی وزیر خارجہ سشما سوراج کے بعد بھارت کے ایک اور اہم سیاستدان ارون جیٹلی چل بسے۔

بھارت کے سابق وزیر خزانہ ارون جیٹلی 66 سال کی عمر میں انتقال کرگئے۔ بھارتی میڈیا کے مطابق ارون جیٹلی گردے اور ذیابیطس کے امراض کا شکار تھے اور 9 اگست سے دہلی کے اسپتال میں زیر علاج تھے۔

ارون جیٹلی بھارتی حکمران جماعت بھارتیہ جنتا پارٹی (بی جے پی) کے سینیئر رہنما تھے۔ انہوں نے صحت کے مسائل کی وجہ سے حالیہ انتخابات میں حصہ لینے سے معذرت کرلی تھی۔

ان کے انتقال پر بھارتی رہنماؤں نے گہرے دکھ اور افسوس کا اظہار کیا ہے۔

خیال رہے کہ رواں ماہ 6 اگست کو بھارت کی سابق وزیرخارجہ اور بھارتیہ جنتا پارٹی (بی جے پی) کی سینیئر رہنما سشما سوراج 67 سال کی عمر میں انتقال کرگئی تھیں۔

سابق وزیر خارجہ کو دل کی تکلیف کے باعث دہلی کے مقامی اسپتال منتقل کیا گیا تھا جہاں وہ دوران علاج چل بسیں۔

انتقال سے 3 گھنٹے قبل اپنی آخری ٹوئٹ میں سشما سوراج نے وزیراعظم نریندر مودی کا شکریہ ادا کیا تھا۔

x

Check Also

پریانتھا کی والدہ کے میت سے لپٹ کر رونے کے رقت آمیز مناظر، تصاویر سامنے آگئیں

پریانتھا کی والدہ کے میت سے لپٹ کر رونے کے رقت آمیز مناظر، تصاویر سامنے آگئیں

سیالکوٹ میں مشتعل ہجوم کے ہاتھوں قتل ہونے والے فیکٹری کے سری لنکن منیجر پریانتھا ...

%d bloggers like this: