چین نے لداخ کی بھارت میں شمولیت کے یکطرفہ بھارتی فیصلے کو یکسر مسترد کردیا ہے۔
چینی وزارت خارجہ کے ترجمان نے کہا ہے کہ چین بھارت کے اس اقدام کو قبول نہیں کرتا ہے اور نا ہی بھارتی فیصلے پر عملدرآمد ہونے دیا جائے گا۔
چینی وزارت خارجہ کی ترجمان کی طرف سے جاری بیان میں کہا گیا ہے کہ چین نے ہمیشہ چین، بھارت سرحد کے مغربی سیکٹر میں چینی علاقے کی بھارتی انتظامی دائرہ اختیار میں شمولیت کی مخالفت کی ہے۔
ترجمان نے مزید کہا کہ چین کا موقف کبھی تبدیل نہیں ہوا، بھارت نے لداخ کے حوالے سے یکطرفہ فیصلہ کر کے چین کی علاقائی سالمیت کو کمزور کرنے کی کوشش کی ہے۔
ترجمان نے بھارتی حکومت پر زور دیا کہ وہ سرحد کے معاملے پر اپنے قول و فعل میں عقل سے کام لے۔