ورلڈ کپ فائنل: امپائرنگ کے معیار پر سوالات اٹھنے لگے

سائمن ٹوفل نے 6 رنز دینے کو امپائر کی غلطی قرار دے دیا

ورلڈ کپ فائنل کے آخری اوور میں چھ اضافی رنز دینے پر سابق آئی سی سی امپائرسائمن ٹوفل پھٹ پڑے۔

آئی سی سی کے سابق امپائر سائمن ٹوفل نے ورلڈ کپ فائنل میں انگلینڈ کو اوور تھرو کے چھ رنزدینے کو امپائرز کی غلطی قراردےدیا۔

سائمن ٹوفل نے کہا کہ قوانین کے مطابق انگلش ٹیم کو پانچ رنز ملنا چاہئے تھے، امپائر کی اس غلطی کی وجہ سے بین اسٹوکس نے اسٹرائیک بھی برقراررکھی۔

انہوں نے کہا کہ جس وقت بال پھینکی گئی اس وقت تک بیٹسمین دوسرا رن لینے کیلئےنہیں دوڑا تھا۔

برطانوی بیسٹمین بین اسٹوکس نے کہا کہ میں نے اوور تھرو پر کین ولیمسن سے معافی مانگ لی تھی۔ میں نے ولیمسن سے کہا کہ میں اس کے لیے اپنی پوری زندگی معافی مانگتا رہوں گا۔

نیوزی لینڈ کے کپتان کین ولیمسن سے اس بارے میں پوچھا گیا تو انہوں نے جواب دیا کہ کرکٹ میں اس طرح کی چیزیں وقتاً فوقتاً ہوتی رہتی ہیں۔

x

Check Also

مکی آرتھر سری لنکن ٹیم کے ہیڈ کوچ؟

پاکستان ٹیم کے سابق ہیڈ کوچ مکی آرتھر کو سری لنکن ٹیم کا ہیڈ کوچ ...

%d bloggers like this: