ناک پر ویزلین لگانے کا کیا فائدہ ہوتا ہے

ناک پر ویزلین لگانے کا کیا فائدہ ہوتا ہے

ویزلین ہر گھر میں استعمال ہوتی ہے، جو سردی لگ جانے اور نزلے وغیرہ سے نجات سمیت کئی طبی فوائد کی حامل ہے تاہم اب سوشل میڈیا پر کچھ لوگوں نے اس کا ایک ایسا فائدہ بتا دیا ہے کہ سن کر آپ بھی اسے آزمانے کی خواہش کریں گے۔ میل آن لائن کے مطابق ’ہے فیور‘ (Hay fever)نامی بخار بہت عام ہو چکا ہے، جس کا علاج سوشل میڈیا صارفین نے ویزلین میں ڈھونڈ نکالا ہے۔ ان صارفین کا کہنا ہے کہ اگر آپ اپنی ناک پر ویزلین لگائیں تو آپ کو ’ہے فیور‘ سے نجات مل جائے گی۔

کیری کوپ لینڈ نامی ایک لڑکی نے سماجی رابطے کی ویب سائٹ ٹوئٹر پر لکھا کہ ”میں نے ’ہے فیور‘ کی ادویات استعمال کیں لیکن مجھے اتنا افاقہ نہ ہوا، پھر میں نے اپنی ناک پر ویزلین لگانی شروع کی اور دو بار ہی اسے لگانے سے ایسے حیران کن نتائج سامنے آئے کہ میں دنگ رہ گیا۔ “ لیزا نامی ایک خاتون ٹوئٹر صارف نے اپنی ٹویٹ میں لکھا کہ ”ویزلین ’ہے فیور‘ کا ایسا شاندار علاج ہے جس کی ہم سب کو تلاش تھی۔ اسے صرف ناک پر لگائیں اور آپ کا بخار جاتا رہے گا۔“طبی ماہرین کا اس حوالے سے کہنا ہے کہ ”ویزلین پولن الرجی سے نجات کے لیے بہت فائدہ مند ثابت ہوتی ہے اور ’ہے فیور‘ پولن الرجی سے ہی لاحق ہوتا ہے، چنانچہ اس کا علاج بھی ویزلین سے کیا جا سکتا ہے۔“

x

Check Also

سال کا دوسرا چاند گرہن 16 جولائی کو ہوگا

سال کا دوسرا چاند گرہن 16 جولائی کو ہوگا

رواں سال کا دوسرا چاند گرہن 16 جولائی کی رات ہوگا ، پاکستان سمیت دنیا ...

%d bloggers like this: