برطانوی شہزادہ ولیم اپنی اہلیہ کیٹ کے ساتھ موسم سرما میں پاکستان کا دورہ کریں گے۔
کنگسٹن پیلس کے مطابق یہ دورہ برطانوی وزارت خارجہ کی درخواست پر کیا جا رہا ہے۔
شاہی محل کہنا ہے کہ مزید تفصیلات مناسب وقت پر جاری کی جائیں گی۔
لندن میں پاکستانی ہائی کمیشن نے اس دورے کو خوش آئند قرار دیا ہے۔
پاکستانی ہائی کمشنر نفیس ذکریا کہتے ہیں کہ شاہی خاندان کے دورےسے یہ ظاہر ہوگا کہ برطانیہ پاکستان کے ساتھ تعلقات کو کتنی اہمیت دیتا ہے۔
ان کا کہنا ہے کہ پاکستان اور برطانیہ کے تاریخی تعلقات ہیں اور دونوں ممالک ان تعلقات کو وسعت دینا چاہتے ہیں۔