ٹی وی وائرس فری کرنے کا مشورہ

سام سنگ نے اپنے برانڈ کے ٹی وی سیٹس پر کی جانے والی تنقید پر صارفین کو ٹی وی سیٹس کو وائرس فری کرنے کا مشورہ دے دیا۔

سام سنگ کے اسمارٹ ٹی وی استعمال کرنے والوں کی جانب سے یہ شکایات زیرگردش تھیں کہ ان کے ٹی وی سیٹس ہینگ ہوجاتے ہیں جسے چلانے کے لیے کافی جتن کرنے پڑتے ہیں۔

کمپنی نے ٹوئٹر پر ایک ویڈیو شئیر کی جس میں اسمارٹ ٹی وی سیٹس کو وائرس فری کرنے کا طریقہ بتایا گیا۔

ویڈیو کے ساتھ کمپنی کی جانب سے مشورہ بھی دیا گیا کہ اگر آپ چاہتے ہیں کہ آپ کے ٹی وی سیٹس یا کمپیوٹر بغیر کسی رکاوٹ کے کام کریں تو انہیں کم سے کم ہفتے میں ایک مرتبہ اسکین ضرور کرلیں۔

بذریعہ ٹوئٹ لوگوں کو آگاہ کیا گیا کہ جب وائی فائی آن ہوتا ہے تو مختلف اقسام کہ سافٹ وئیرز آپ کے سسٹم پر حملہ کرسکتے ہیں جن سے بچاؤ کے لیے سسٹم کو اسکین کرنا پڑتا ہے۔

سائبر سیکیورٹی کے ماہرین نے اس تجویز پر حیرانی کا اظہار کیا اور کہا کہ اس مشورے پر عمل کرنا صرف وقت کا ضیاع ہے، اس سے صارفین ناخوش ہوں گے۔

اس مشورے کے جواب میں ماہرین نے کمپنی مالکان کو ہی تجویز دے دی کہ آپ کو اپنا سسٹم اپڈیٹ کرنے کی ضرورت ہے۔

اس ٹوئٹ کو 19 سیکنڈ میں ڈیلیٹ کردیا گیا تاہم اس مختصر دورانیہ میں 2 لاکھ افراد اس ویڈیو کو دیکھ چکے تھے۔

واضح رہے کہ اس سے قبل 2015 میں بھی سام سنگ کمپنی کی جانب سے صارفین کو اسمارٹ ٹی وی سسٹم کے سامنے ضروری معلومات شیئر کرنے سے منع کیا گیا تھا۔

x

Check Also

دنیا کی 90 بڑی کمپنیوں نے فیس بک پر اشتہارات کا بائیکاٹ کردیا

دنیا کی 90 بڑی کمپنیوں نے فیس بک پر اشتہارات کا بائیکاٹ کردیا

نسل پرستی، تشدد، جھوٹ اور نفرت کے خلاف دنیا کی 90 سے زائد بڑی کمپنیوں ...

%d bloggers like this: