وزیر اعظم کا زرتاج گل کی بہن کی نیکٹا میں تعیناتی پر ایکشن

وزيراعظم عمران خان نے وزیر مملکت زرتاج گل کی بہن کی نیکٹا میں تعیناتی پر  ایکشن لیتے ہوئے زرتاج گل کو نیکٹا کو لکھا گیا خط واپس لینے کی ہدایت کردی ۔

وزیر اعظم کے معاون خصوصی نعیم الحق کا کہنا ہے کہ زرتاج گل نے اپنی بہن کی تقرری کے لیے نیکٹا کوخط لکھا تھا، اس طرح کا اقدام پی ٹی آئی کے اصولوں کے خلاف ہے، پی ٹی آئی نے ہمیشہ اقرباپروری کی مخالفت کی ہے۔

وزیرمملکت زرتاج گل کی لاہورکالج برائے خواتین میں اسسٹنٹ پروفیسر بہن شبنم گل کو ڈائریکٹر نیکٹا مقررکیا گیا تھا۔

شبنم گل کوان کی بہن وزیر موسمیات زرتاج گل کی سفارش پر نیشنل کاؤنٹر ٹیررازم اتھارٹی میں بطور ڈائریکٹر تعینات کیا گیا تھا۔ 

شبنم گل کی تعیناتی پر زرتاج گل کا کہنا تھا کہ نیکٹا میں تعیناتی کسی خصوصی برتاؤ کا نتیجہ نہیں ، اگر کسی وزیر کی فیملی میں کوئی قابل ہے تو کیا اُس کے لیے پاکستان میں کوئی جگہ نہیں

x

Check Also

آرمی چیف کی دوسری مدت سے دو دن پہلے فوج میں اہم تبدیلیاں

بری فوج کے سربراہ جنرل قمر جاوید باجوہ نے اپنے دوسرے دور ملازمت شروع ہونے ...

%d bloggers like this: