قومی بیڈمنٹن رینکنگ، مراد علی اور ماحور شہزاد پہلے نمبر پر

پاکستان بیڈ منٹن فیڈریشن نے تازہ رینکنگ جاری کردی جس میں خواتین میں ماحور شہزاد بدستور پہلے نمبر پر براجمان ہیں جب کہ مردوں میں مراد علی سرفہرست ہیں۔

عالمی رینکنگ میں ٹاپ 200 رینکنگ پر براجمان ماحور شہزاد کا پاکستان میں بھی بدستور راج ہے اور پاکستان بیڈمنٹن فیڈریشن کی طرف سے جاری تازہ ترین رینکنگ میں ماحور شہزاد ایک بار پھر پہلی پوزیشن حاصل کرنے میں کامیاب رہی ہیں۔

کراچی سے تعلق رکھنے والی 22 سالہ ماحور شہزاد اپنے کیریئر میں ا18 کامیابیاں سمیٹنے میں کامیاب رہی ہیں اور وہ اس وقت عالمی رینکنگ میں ٹاپ 200 کھلاڑیوں میں شامل ہیں۔تازہ رینکنگ میں ماحور شہزاد پہلے نمبر پر ہیں جب کہ غزالہ صدیق کی دوسری اور سہرا اکرم کی تیسری پوزیشن ہے۔
ویمنز ڈبلز میں صائمہ وقاص اور غزالہ صدیق پہلے، ہما جاوید اور سہرا اکرم دوسرے اور ماحور شہزاد اور پلوشہ بشیر پر مشتمل جوڑی تیسرے نمبر پر ہے۔

اسی طرح مردوں میں مراد علی پہلے، علی مہدی دوسرے اور اویس زاہد تیسری نمبر پر ہیں جب کہ مینز ڈبلز میں عتیق چوہدری اور راجہ حسنین کی پہلی، عظیم سرور اور کاشف سلہری کی دوسری اور اویس زاہد اور راجہ ذوالقرنین کی تیسری پوزیشن ہے۔

x

Check Also

شاہین آفریدی کی اہلیہ انشا کی رخصتی کے جوڑے کی قیمت کیا تھی؟

شاہین آفریدی کی اہلیہ انشا کی رخصتی کے جوڑے کی قیمت کیا تھی؟

قومی ٹیم کے سابق کپتان شاہد آفریدی کی دوسری بیٹی  انشا آفریدی گزشتہ روز  پیا ...

%d bloggers like this: