عمران خان کی اہلیہ خاوند سے روٹھ کر میکے چلی گئیں

بالی ووڈ اداکار عمران خان کی اہلیہ اوانتیکا گھریلو ناچاکی کے بعد اپنی بیٹی اِمارہ کے ہمراہ والدین کے گھر چلی گئیں۔

بھارتی میڈیا رپورٹس کے مطابق بالی ووڈ انڈسٹری کے مسٹر پرفیکشنسٹ عامر خان کے بھانجے عمران خان اور اُن کی اہلیہ کے مابین گزشتہ کئی مہینوں سے تنازعات چل رہے تھے۔

رپورٹ میں بتایا گیا ہے کہ دو روز قبل ہونے والے جھگڑے کے بعد اوانتیکا صبح کے وقت بیٹی اِمارہ کے ہمراہ شوہر (عمران خان) کا گھر چھوڑ کر والدین کے گھر چلی گئی ہیں۔

عمران خان کے قریبی دوستوں نے اوانتیکا کی ناراضی اور گھر چھوڑنے کی تصدیق کی البتہ انہیں اس معاملے کی اصل وجہ کا علم نہیں ہے۔ بھارتی میڈیا رپورٹ میں بتایا گیا ہے کہ خاندان کے کچھ بڑے اور دونوں کے مشترکہ دوست اس معاملے کو سلجھانے میں مصروف ہیں۔

یاد رہے کہ عمران اور اوانتیکا 2011 میں رشتہ ازدواج میں منسلک ہوئے تھے جس کے بعد اُن کے ہاں 2004 میں بیٹی کی پیدائش ہوئی جن کا انہوں نے نام اِمارہ رکھا۔

واضح رہے کہ عمران خان کی آخری فلم ’کٹی بٹی‘ 2015 میں ریلیز ہوئی تھی، گزشتہ چار برس سے وہ بڑے پردے پر نظر نہیں آئے جبکہ اس سے قبل اُن کی ’جانے تو یا جانے نا‘، ایک میں ایک تو، آئی ہیٹ لو اسٹوری، کڈنیپ، میرے برادر کی دلہن اور دہلی بیلی ریلیز ہوچکی ہیں۔

x

Check Also

ماہرہ خان کا لبنانی اداکارہ کے ساتھ رقص سوشل میڈیا پر چھاگیا

ماہرہ خان کا لبنانی اداکارہ کے ساتھ رقص سوشل میڈیا پر چھاگیا

پاکستان فلم انڈسٹری کی صف اوّل کی اداکارہ ماہرہ خان کا پیرس میں ایفل ٹاور ...

%d bloggers like this: