عامر پانچویں ون ڈے کیلئے بھی دستیاب نہیں

قومی کرکٹ ٹیم کے فاسٹ بولر محمد عامر انگلینڈ کے خلاف پانچویں ایک روزہ میچ کیلئے بھی دستیاب نہیں ہوں گے۔

گزشتہ دنوں محمد عامر میں چکن پاکس بیماری کی تشخیص ہوئی تھی جس کے بعد انہیں آرام دیا گیا تھا اور وہ ابتدائی میچز بھی نہیں کھیل سکے تھے۔

ذرائع کے مطابق محمد عامر نے خسرہ کے دانوں سےکافی حد تک نجات پالی ہے لیکن ڈاکٹرز نے احتیاط کے طور پر انہیں مزید ایک دو دن آرام کا مشورہ دیا ہے۔

ذرائع کا کہنا ہے کہ محمد عامر پانچویں ایک روزہ میچ کیلئے بھی دستیاب نہیں ہوں گے۔

ذرائع نے بتایا کہ انگلینڈ کے خلاف ون ڈے سیریز کے بعد عامر قومی ٹیم کو دستیاب ہوسکیں گے، انہیں ورلڈ کپ اسکواڈ میں بھی شامل کرلیا گیا ہے۔

یاد رہے کہ ورلڈ کپ اسکواڈ میں شامل فہیم اشرف اور اوپننگ بلے باز عابد علی کی جگہ محمد عامر اور آصف علی 15 رکنی ٹیم ورلڈکپ ٹیم کا حصہ ہوں گے۔

x

Check Also

پاکستان سپر لیگ بھی کھیلنا چاہتا ہوں، کیگیسو ربادا

پاکستان سپر لیگ بھی کھیلنا چاہتا ہوں، کیگیسو ربادا

جنوبی افریقہ کے فاسٹ بولر کیگیسو ربادا کا کہنا ہے کہ تماشائیوں کے بغیر کھیلنا ...

%d bloggers like this: