انگلینڈ نے پاکستان کے خلاف 359رنز کا ہدف باآسانی عبور کرتے ہوئے تیسرے ون ڈے میچ میں 6وکٹوں سے فتح حاصل کر لی۔
برسٹل میں کھیلے گئے سیریز کے تیسرے ون ڈے میچ میں انگلینڈ نے ٹاس جیت کر پہلے باؤلنگ کا فیصلہ کیا جو درست ثابت ہوا۔
مزید پڑھیں: محمد عامر وائرل انفیکشن کا شکار، ورلڈکپ اسکواڈ میں شرکت مشکوک
میچ کے لیے دونوں ٹیموں نے اپنی فائنل الیون میں تبدیلیاں کی ہیں جہاں پاکستان نے یاسر شاہ کی جگہ جنید خان کو ٹیم کا حصہ بنایا ہے جبکہ انگلینڈ نے جوز بٹلر اور عادل رشید کی جگہ ٹام کرن اور جو ڈینلی کو صلاحیتوں کے اظہار کا موقع دیا ہے۔
YESSSS @chriswoakes what a start! 🙌
Scorecard/Videos: https://t.co/3SyUtu2DWQ#EngvPak pic.twitter.com/oKNNDv2Fnj
— England Cricket (@englandcricket) May 14, 2019
پاکستان نے اننگز کا آغاز کیا تو گزشتہ میچ میں سنچری بنانے والے فخر زمان صرف دو رنز بنا کر پویلین لوٹ گئے۔
That's a beauty @chriswoakes! 😍
Scorecard/Clips: https://t.co/3SyUtu2DWQ#EngvPak pic.twitter.com/EuSflVNejA
— England Cricket (@englandcricket) May 14, 2019
بابر اعظم نے کرس ووکس کو لگاتار دو چوکے لگائے لیکن تیسری گیند پر اپنی وکٹیں محفوظ نہ رکھ سکے اور 15رنز بنانے کے بعد پویلین سدھارے۔
یہ بھی پڑھیں: آئی سی سی نے پلنکٹ کو ٹیمپرنگ کے الزام سے بری کردیا
اس کے بعد امام الحق کا ساتھ دینے حارث سہیل آئے اور دونوں کھلاڑیوں نے موثر بیٹنگ کرتے ہوئے تیسری وکٹ کے لیے 69رنز جوڑے لیکن اس مرحلے پر غیر ذمے دارانہ رننگ کے نتیجے میں حارث کی اننگز تمام ہوئی، انہوں نے 41گیندوں پر اتنے ہی رنز بنائے۔
He’s the worst footballer in our team @_TC59! 😂⚽️
Scorecard/Videos: https://t.co/3SyUtu2DWQ#EngvPak pic.twitter.com/vpTTev3Y4P
— England Cricket (@englandcricket) May 14, 2019
سرفراز احمد اور امام الحق نے چوتھی وکٹ کے لیے 62رنز جوڑے لیکن ایک غلط شاٹ کے نتیجے میں پاکستانی ٹیم کے کپتان کی اننگز تمام ہوئی۔
اس کے بعد امام کا ساتھ دینے آصف علی آئے اور دونوں کھلاڑی شاندار بیٹنگ کا مظاہرہ کرتے ہوئے پانچویں وکٹ کے لیے 125رنز کی شراکت قائم کی، آصف 52رنز بنانے کے بعد آؤٹ ہوئے۔
We needed that! 🙌
Scorecard & More Clips: https://t.co/3SyUtu2DWQ#EngvPak pic.twitter.com/EqFWdbLIx4
— England Cricket (@englandcricket) May 14, 2019
امام الحق نے ون ڈے کرکٹ میں اپنی چھٹی سنچری اسکور کی اور 151 رنز کی شاندار اننگز کھیلنے کے بعد پویلین لوٹے، ان کی اننگز میں 16چوکے اور ایک چھکا شامل تھا۔
A perfect yorker @_TC59 to end an outstanding innings! 👏
Scorecard/Videos: https://t.co/3SyUtu2DWQ#EngvPak pic.twitter.com/Ih3LtrHscN
— England Cricket (@englandcricket) May 14, 2019
اختتامی اوورز میں پاکستانی ٹیم زیادہ تیز رفتاری سے رنز اسکور نہ کر سکی اور مقررہ اوورز میں قومی ٹیم نے 9وکٹوں کے نقصان پر 358رنز بنائے، عماد وسیم 22، فہیم اشرف 13 اور حسن علی نے 18رنز بنائے۔
What a catch @david_willey! 👐
Scorecard/Videos: https://t.co/3SyUtu2DWQ#EngvPak pic.twitter.com/LYQjcRokqS
— England Cricket (@englandcricket) May 14, 2019
انگلینڈ کی جانب سے کرس ووکس نے 4 اور ٹام کرن نے 2 وکٹیں لیں۔
ہدف کے تعاقب میں انگلش اوپنرز نے 17اوورز میں اپنی ٹیم کو 150رنز سے زائد کا آغاز فراہم کر کے میچ کو تقریباً یکطرفہ بنا دیا، انگلینڈ کی پہلی وکٹ 159رنز پر گری جب جیسن روئے 55گیندوں پر 76رنز بنانے کے بعد پویلین رخصت ہوئے۔
دوسرے اینڈ سے جونی بیئراسٹو نے جارحانہ بیٹنگ جاری رکھی اور ون ڈے کرکٹ میں اپنی ساتویں سنچری مکمل کی۔
انہوں نے جو روٹ کے ہمراہ دوسری وکٹ کے لیے 75رنز جوڑے اور 5 چھکوں اور 15چوکوں سے مزین 128رنز کی اننگز کھیل کر آؤٹ ہوئے۔
اسکور 278 تک پہنچا تو جو روٹ بھی 43رنز بنانے کے بعد آؤٹ ہو گئے لیکن اس وقت تک میچ کا فیصلہ ہو چکا تھا جبکہ اسٹوکس کی اننگز 37رنز پر تمام ہوئی۔
انگلینڈ نے 359رنز کا ہدف 31گیندوں قبل ہی باآسانی حاصل کر کے میچ میں 6وکٹ سے فتح حاصل کر کے سیریز میں بھی 0-2 کی ناقابل شکست برتری حاصل کر لی۔
میچ کے لیے دونوں ٹیمیں ان کھلاڑیوں پر مشتمل تھیں۔
پاکستان: سرفراز احمد(کپتان)، فخر زمان، امام الحق، بابر اعظم، حارث سہیل، آصف علی، عماد وسیم، فہیم اشرف، حسن علی، جنید خان اور شاہین شاہ آفریدی۔
انگلینڈ،: آئن مورگن(کپتان)، جیسن روئے، جونی بیئراسٹو، جو روٹ، بین اسٹوکس، معین علی، جو ڈینلی، کرسس ووکس، ڈیوڈ ولی، ٹام کرن اور لیام پلنکٹ۔