وزیر سائنس و ٹیکنالوجی فواد چودھری نے رویت ہلال کے نئے طریقہ کار کا اعلان کردیا۔
فواد چودھری نے ٹویٹ کیا ہے کہ رویت ہلال کے لیے 5 رکنی کمیٹی قائم کردی ہے۔ کمیٹی میں اسپارکو، محکمہ موسمیات اور ٹیکنالوجی کے ماہرین شامل ہیں۔
پانچ رکنی کمیٹی قائم کی ہے جس میں سپارکو،محکمہ موسمیات اور سائنس اور ٹیکنالوجی کے ماھرین شامل ہوں گے یہ کمیٹی اگلے دس سال کے چاند، عیدین ، محرم اور رمضان سمیت دیگر اہم کیلنڈر کی تاریخ کا کیلنڈر جاری کرےگی۔ اس سے ہر سال پیدا ہونیوالا تنازعہ ختم ہو گا۔
— Ch Fawad Hussain (@fawadchaudhry) May 5, 2019
وزیر اطلاعات کا کہنا ہے کہ کمیٹی 10 قمری سال کا کلینڈر جاری کرے گی، قمری سال کے کلینڈر سے ہر سال پیدا ہونے والا تنازع ختم ہو جائے گا۔
لیکن اس ٹویٹ سے نیا تنازع پیدا ہوگیا ہے کیونکہ محکمہ موسمیات ہر سال کا کیلنڈر جاری کرتا ہے لیکن اسلامی مہینوں کے لیے رویت ہلال کمیٹی ملک بھر میں اپنی ذیلی کمیٹیوں کے ذریعے شرعی شہادتیں اکٹھی کرتی ہے۔