انوشکا شرما شدید تنقید کی زد میں آگئیں

لندن: بھارتی ہائی کمشنر کی جانب سے اپنی ٹیم کو دیئے گئے استقبالیے کے بعد گروپ فوٹو میں انوشکا شرما کی موجودگی شائقین کو ایک آنکھ نہیں بھائی ہے اور انہوں نے انہیں شدید تنقید کا نشانہ بنایا ہے۔

بھارتی کرکٹ ٹیم ان دنوں انگلینڈ کے دورے پر ہے جہاں وہ ٹی ٹوئنٹی اور ایک روز میچز کی سیریز کے بعد ٹیسٹ سیریز میں مصروف ہے۔

لندن میں بھارتی ہائی کمیشن کی جانب سے کرکٹ ٹیم کے لیے استقبالیہ رکھا گیا جس میں ٹیم کے کھلاڑیوں اور منیجمنٹ نے شرکت کی۔

بھارتی ٹیم کے استقبالیے کے بعد کی گروپ فوٹو گزشتہ روز بھارتی کرکٹ بورڈ نے اپنے ٹوئٹر آفیشل اکاؤنٹ سے پوسٹ کی جس میں پوری ٹیم کے ساتھ ساتھ کپتان ویرات کوہلی کی اہلیہ اداکارہ انوشکا شرما بھی موجود تھیں تھیں۔

ٹوئٹر صارفین کو بھارتی ٹیم کے ساتھ انوشکا شرما کی تصویر ایک آنکھ نہیں بھائی ہے اور انہوں نے شدید تنقید کا نشانہ بنایا ہے۔

علی نامی ٹوئٹر صارف کا کہنا تھا کہ نائب کپتان آخری لائن میں کھڑے ہیں لیکن بھارتی کپتان کی اہلیہ بالکل فرنٹ پر ہیں۔

ایک دل جلے نشانت نامی صارف نے کہا کہ کرکٹ بورڈ کیوں کسی کھلاڑی کی بیوی کو آفیشل ٹور کی اجازت دیتا ہے؟ ہمارے کھلاڑی کام پر ہیں یا ہنی مون پر اس کی تصدیق کی جائے۔

مایانک شرما نامی نوجوان کا کہنا ہے کہ انوشکا شرما اسکواڈ میں موجود ہیں تو اگلے میچ میں پلیئنگ الیون میں ہوں گی۔

کوہ نور داس نامی صارف نے کہا کہ انوشکا کو ان کے شوہر ویرات کوہلی کی جگہ اگلے میچ میں کھلایا جائے گا اور وہ ٹیم کی قیادت کریں گی۔

یاد رہے کہ اس سے قبل بھی کئی بار انوشکا شرما کو تنقید کا سامنا کرنا پڑا ہے۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: