سڑکوں اور نالوں میں کچرا پھیکنے والوں کا چالان ہوگا

واٹر اینڈ سینی ٹیشن سروسز پشاور (ڈبلیو ایس ایس پی) نے جی ٹی روڈ اور جمرودروڈ پر کچرا جبکہ ملحقہ نالیوں میں گندگی پھینکنے اور پانی ضائع کرنے والوں کا چالان کرنے کا فیصلہ کیا ہے۔

ڈبلیو ایس ایس پی کے چیف ایگزیکٹو آفیسر انجینئر خانزیب خان کی صدارت میں اجلاس منعقد ہوا۔ جس میں جنرل آپریشنز انجینئر علی خان، زونل منیجرزاور متعلقہ حکام شریک ہوئے۔ اجلاس میں بورڈ آف ڈائریکٹرز کے فیصلوں پر عملدرآمد کیا جائزہ لیا گیا اور ضروری احکامات جاری کئے گئے۔

اجلاس میں فیصلہ کیا گیا کہ جی ٹی روڈ اور جمرود روڈ پر ڈبلیو ایس ایس پی کی انفورسمنٹ ٹیمیں نگرانی کریں گی جو افراد سڑکوں اور نالیوں میں گند پھینکتے اور پانی ضائع کر رہے ہیں انہیں نوٹس جاری کرکے ایسا نہ کرنے کی تنبیہہ دی جائے گی بصورت دیگر انہیں جرمانے کا چالان ٹکٹ جاری کیا جائے گا۔ جرمانہ کا تعین لوکل گورنمنٹ ایکٹ میں کیا گیا ہے۔

واضح رہے کہ صوبائی حکومت پہلے ہی ڈبلیو ایس ایس پی کے افسران کو لوکل گورنمنٹ ایکٹ 2013 ء کی روشنی میں انفورسمنٹ اختیارات تفویض کر چکی ہے جبکہ ڈبلیو ایس ایس پی محکمہ بلدیات کی وساطت سے افسران کو تربیت بھی دے چکی ہے۔

اجلاس میں یہ بھی فیصلہ کیا گیا کہ سٹیزن لیزان سیل کو فوری طور پر متحرک کیا جائے گا۔ سیل کے ذریعے صارفین سے قریبی رابطہ رکھا جائے گا۔ انہیں پانی بل ادا کرنے اور غیر قانونی کنکشن کو بلا معاوضہ قانونی شکل دینے کے لئے راغب کیا جائے گا۔

اس سلسلے میں منتخب نمائندوں، علماء اور معاشرے میں اثر رسوخ رکھنے افراد کی خدمات سے بھی استفادہ کیا جائے گا۔ علماء کی مشاورت سے پیش اماموں کے لئے مختصر بیان تیار کیا جائے گا جسے خطبات جمعہ میں پڑھنے کے لئے تقسیم کیا جائے گا۔ اچھی کارکردگی دکھانے پر واٹر ریٹ عملے کی حوصلہ افزائی کی جائے گی۔

علاوہ ازیں ڈبلیو ایس ایس پی حدود میں اگلے چند ہفتوں میں وسیع پیمانے پر آگاہی مہم کا آغاز کیا جائے گا جو مسلسل جاری رہے گی اس کے لئے رضاکاروں کی خدمات بھی حاصل کی جائیں گی۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: