غلام سرور نے چوہدری نثار پر الزامات کی بھرمار کردی

تحریک انصاف کے امیدوار غلام سرور خان نے اپنے حریف امیدوار چوہدری نثار پر الزامات کی بھرمار کردی اور استفسار کیا کہ ان کی سیاسی مہم کے اخراجات کون برداشت کررہا ہے؟

میڈیا سے گفتگو میں غلام سرور خان نے کہا کہ چوہدری نثار کی انتخابی مہم میں پولیس اور ایلیٹ فورس ان کے ساتھ ہوتی ہے۔

سابق وزیر داخلہ کے ساتھ گزشتہ 35 سال سے سیاسی مخالفت ہے،الیکشن میں قومی اسمبلی کی2نشستوں پرچوہدری نثار میرے مد مقابل ہیں،انتخابی مہم میں ضابطہ اخلاق کی خلاف ورزی کی جا رہی ہے۔

انہوں نے مزید کہاکہ سابق وزیر داخلہ ہمیشہ پاور پالیٹکس کرتے رہے، ہم چاہتے ہیں کہ الیکشن صاف اور شفاف ہوں۔ چوہدری نثارکی ساری سیاست تھانہ اور پٹوارخانہ کے گرد گھومتی ہے۔

پی ٹی آئی امیدوار نے استفسار کیا کہ چوہدری نثارکا ذریعہ معاش کیا ہے ؟ان کی سیاسی مہم کے اخراجات کون برداشت کررہا ہے،ان کی مہم راولپنڈی ضلع کے تمام پٹواری چلارہے ہیں۔

ان کا کہناتھاکہ راولپنڈی ضلع میں سابق وزیر داخلہ کی مرضی کے بغیر پٹواری تعینات نہیں ہوئے ، چوہدری نثار کے انکم ٹیکس ریٹرنز اور اثاثوں میں تضاد ہے۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: