ریاستی رٹ،سیاسی انقلاب،دھماکہ خیز مواد

یتیم بچوں کے لیے کسی سے بھیک بھی مانگنی پڑے تو تیار ہوں ،علاؤدین مری

ایس او ایس چلڈرن ولیج کے دورے کے موقعہ پر بچوں اور انتظامیہ سے خطاب کرتے ہوئے نگران وزیر اعلیٰ بلوچستان کا کہنا تھا کہ وزات اعلیٰ کا منصب سنبھالنے کے بعد پہلا دورہ ایس او ایس چلڈرن ولیج  کا کیا ان کا کہنا تھا کہ اگرچہ اس مختصر وقت میں میری زمہ داری شفاف الیکشن کا پُر امن قیام ہے مگر مجھ سے ملاقات کے لیے جتنے بھی لوگ آئیں گے ان سے اپیل کروں گا کہ وہ ا یس او ایس چلڈرن ولیج کے لیے اپنی ہر ممکن امداد کریں،اور میں خود بھی اس ادارے کی ہر ممکن امداد کی بھر پور کوشش کروں گا۔

روزنامہ انتخاب حب

 تربت کے علاقہ تمپ میں سابق صوبائی وزیر کے گھر کو دھماکہ خیز مواد سے اڑا دیا گیا

بی این پی عوامی کے مرکزی رہنما سابق صوبائی وزیر اور پی بی 48 تمپ کلاتک سے بی این پی عوامی کے امیدوار میراصغر رند کے گومازی کےآبائی گھر پر دھماکہ خیز مواد سے حملہ کیا گیا جس سے گھر کو کافی نقصان پہنچا،نامعلوم افراد کی جانب سے کئے گئے اس حملے میں ان کے گھر کے کئی کمرے تباہ ہوگئے،جب کہ بلوچستان کے ایک اور رہنما حمل بلوچ کے قافلے پر بھی حملے کہ اطلاعات سامنے آئی ہیں۔

روزنامہ توار مستونگ

بی اے پی کا سیاسی انقلاب پرامن بلوچستان کی ضمانت ہے ،رقیہ ہاشمی

بلوچستان عوامی پارٹی کی مرکزی رہنماء سابق مشیر خزانہ ڈاکٹر رقیہ سعید ہاشمی نے کہاہے کہ بی اے پی نے بلوچستان کی سیاست میں ایک ایسا انقلاب برپا کردیا جو مستقبل قریب میں خوشحال اور پرامن بلوچستان کی ضمانت ہوگا،بی اے پی انتخابات میں بھرپور حصہ لے گی،مخالفین کو بڑی پریشانی لاحق ہوگئی ہے،خواتین ان جماعتوں کا بائیکاٹ کریں جوخواتین کی عزت کرنا نہیں جانتے ہیں، انہوں نے کہا کہ اپنے آپ کو ترقی پسند اور روشن خیال کہنے والے اسمبلی میں خواتین کے ساتھ جو رویہ اختیار کرتے ہیں وہ بلوچستان کے خواتین کی توہین ہے ہم خواتین کے حقوق کی جنگ بھی لڑ رہے ہیں اور عوام مفادپرستوں اور اس صوبے کی پسماندگی اور محرومیوں کے ذمہ داروں کو اس الیکشن میں بری شکست سے دوچار کرینگے.۔

روزنامہ بروقت کوئٹہ

بلوچستان کے بعض علاقوں میں ریاستی رٹ قائم نہیں،جان بلیدی

نیشنل پارٹی کے سیکرٹری اطلاعات نے تمپ میں بی این پی عوامی کے رہنما اصغررند کے گھر کو دھماکے سے اڑائےجانے کے واقعہ کی شدید الفاظ میں مزمت کرتے ہوئے کہا کہ اس طرح کے واقعات انسان دشمن اور بلوچ دشمن ہیں،ریاستی ادارے عوام کو تحفظ دینے کے بجائےمخصوص مقاصد کے حصول میں وقت برباد کر رہے ہیں ان کا مزید کہنا تھا کہ بلوچ مسلع قوتیں غیر نظریاتی اور غیر فکری ہونے کی وجہ سے اب سماج میں ناسور کی شکل اختیار کر چکی ہیں۔

روزنامہ ایکسپریس کوئٹہ

 

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: