سرحد پار فلموں میں کام کرنے کا کوئی ارادہ نہیں:ایمان علی

اداکارہ و ماڈل ایمان علی نے کہا ہے کہ فیشن انڈسٹری میں ٹی وی و فلمسٹارز کی آمد سے معیاری فیبرکس اور دیدہ زیب ڈیزائن منظر عام پر آئینگے ۔ ان خیالات کا اظہار انہوں نے گزشتہ روز کرزمہ فلیگ شپ فیشن سٹور کی تعارفی تقریب میں کیا ۔اس موقع پر کومل شاہد، بسیرا خان، کائنات خان، عالیہ نجیب ، فوہا رضا، رمشا ناز، تنزیلہ خان، سمیراخان، ارم چنگیز ، ثنا ، سحر ، حور عبداللہ، ملیحہ وقاص، نداناصر، امجد بھٹی، احمر زاہد، عبداللہ ریاض، آمنہ گل، اسما عظمت ، عائشہ خان، زاہد علی، اقصیٰ عامر و دیگر بھی موجود تھے

ایمان علی نے کہا کم اور اچھا کام میری چوائس ہوتی ہے، ڈراموں و فلموں میں کام کرنے کیلئے وقت کیساتھ اچھے سکرپٹ کا انتخاب فنکار کی اپنی مرضی ہوتی ہے ، یہ کہنا درست نہیں کہ مجھے اردو نہیں آتی ،میرے گھر میں اردو ہی بولی جاتی ہے ،ادبی ذوق رکھتی ہوں۔ فیض احمد فیض میرے پسندیدہ شاعر ہیں۔
لوگ مرزاغالب کو پسند کرتے ہیں لیکن مجھے فیض سے دلی لگائو ہے ۔ بھارتی فلموں میں کام کرنے کے حوالے سے انکا کہنا تھا بھارتی فلم میں کام کرنے میں کوئی برائی نہیں لیکن سرحد پار فلموں میں کام کرنے کا کوئی ارادہ نہیں ہے ۔ بھارتی فلموں میں کام کرنے کی آفرز ملتی رہتی ہیں لیکن ملک میں مشکل کام کرنے میں مزا آتا ہے اورمیں ان مشکلات کو انجوائے کرتی ہوں۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: