نواز کے بیان پردفاعی تجزیہ کاروں، سیاسی رہنماؤں کا ردعمل

سابق وزیر اعظم میاں محمد نواز شریف کے بیان پر ملک کے سینئر دفاعی تجزیہ کاروں، سیاسی تجزیہ کاروں اور سیاستدانوں کا شدید رد عمل سامنے آیا ہے اور نواز شریف کے بیان کو ملک دشمنی قرار دے دیا گیا ہے۔

پیپلز پارٹی کی رہنما اور سینیٹ میں قائد حزب اختلاف شیری رحمان کا کہنا ہے کہ میاں صاحب نے مودی کے موقف پر ٹھپا لگا دیا ہے، ان کے بیان سے پاکستان کا وقار مجروح ہوا، نواز شریف کے بیان کو مسترد کرتے ہیں۔

 پاکستان تحریک انصاف کے ترجمان فواد چوہدری کہتے ہیں کہ نوازشریف کا یہ بیان انتہائی افسوسناک ہے۔

پیپلز پارٹی کے رہنما قمر زمان کائرہ کا کہنا ہے کہ سوچنا پڑے گا کہ پاکستان کے مفاد کو اس طرح کیوں نقصان پہنچایا جارہاہے، وزيراعظم کو وضاحت کرنے پڑے گی کہ ان کی جماعت یہ موقف کیوں لے رہی ہے جو قومی مفاد کے خلاف ہے۔

قمر زمان کائرہ نے کہا کہ میاں صاحب بھارت کو دشمن ملک کبھی نہيں سمجھتے، اپنے کاروبار میں ان کی شمولیت کراتےہیں، شادیوں میں انہیں بلاتے ہیں۔

دفاعی تجزيہ کار میجر جنرل رٹائرڈ اعجاز اعوان کہتے ہیں کہ نواز شریف نے ممبئی حملہ کیس میں پیش رفت نہ ہونے کا الزام پاکستانی عدالتی نظام پر لگا کر شرمناک حرکت کی ہے۔

بھارت میں پاکستان کےسابق ہائی کمشنر عبدالباسط نے کہاہے کہ میاں نوازشریف کےبیان سےبھارتی حلقےخوش ہوں گے۔

مسلم لیگ ق کے رہنما اور سابق وزیراعلیٰ پنجاب چوہدری پرویز الٰہی کا کہنا ہے کہ نواز شریف نے ملک کے خلاف غداری کا ثبوت دیا، اپنی کرپشن بچانے کیلئے ملکی سالمیت کوداؤپرلگا دیا۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: