عمران خان کے سکواڈ میں شامل گاڑی کی ٹکر سے موٹر سائیکل سوار نوجوان جاں بحق

اکستان تحریک انصاف کے چیئرمین عمران خان کی قیادت میں لاہور میں ممبر سازی مہم جاری ہے جس دوران کپتان کے سکواڈ کی گاڑی کی ٹکر سے ایک  موٹر سائیکل سوار نوجوان جاں بحق ہو گیا ہے ۔
نجی ٹی وی چینل ’’ 24 نیوز‘‘  کے مطابق عمران خان نے آج لاہور کے سات مختلف مقامات پر ’’ ممبر سازی مہم ‘‘ کے سلسلہ میں بڑے اجتماعات اور ریلیوں سے خطاب کرنا ہے جبکہ اس سے قبل وہ ایک بڑے قافلے کے ہمراہ کئی مقامات پر خطاب کر چکے ہیں ،اسی سلسلہ میں  عمران خان نے سگیاں پل پر خطاب کیا اور اس کے بعد یہ افسوسناک واقعہ پیش آیا ہے ، جاں بحق ہونے والے شہری کی شناخت عدنان کے نام سے ہوئی ہے اور وہ  عمران خان کے قافلے کے ساتھ موٹر سائیکل پر سوار تھا جو کہ ٹکر کی صورت میں شدید زخمی ہو ا اور زخموں کی تاب نہ لاتے ہوئے  موقع پردم توڑ گیاہے ۔نجی ٹی وی کا کہناہے کہ جاں بحق ہونے والا نوجوان عدنان لاہور کے نواحی علاقے رچنا ٹاﺅن فیروز والا کا رہائشی تھا ۔اس سے قبل لاہور کے مختلف مقامات پر خطاب کرتے ہوئے عمران خان کا کہنا تھا کہ ن لیگ والے سینیٹ میں ہار گئے تو کہہ رہے ہیں کہ پیسہ چل رہا ہے، تین سال پہلے ہم نے کہا تھا کہ انتخابات میں پیسہ چلتا ہے قانون بدلیں، اس وقت انہوں نے کچھ نہیں کیا،مسلم لیگ ن نے منی لانڈرنگ کی کھلی چھوٹ دے رکھی ہے، اورنج لائن ٹرین اور میٹرو جیسے منصوبوں کا مقصد اربوں روپے کی منی لانڈرنگ کر کے پیسہ بیرون ملک لے جانا ہے۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: