سینیٹ الیکشن میں کس کی کیا قیمت لگی؟سب سامنے آگیا

سینیٹ الیکشن میں ارکان نے اپنے ووٹ کی کیا قیمت لگائی؟ سب سامنے آ گیا۔ سندھ اسمبلی کے ارکان سب سے سستے نکلے جبکہ سب سے مہنگے دام بلوچستان اسمبلی میں لگے۔ خیبرپختونخوا میں بھی پیسہ پانی کی طرح بہایا گیا۔ پنجاب کے اٹھارہ ووٹوں کی کہانی بھی سامنے آگئی۔

سماء کو موصول تفصیلات کے مطابق سندھ اسمبلی ارکان کی مارکیٹ مندی کا شکار رہی۔ سندھ کے بیس ایم پی ایزکے ووٹوں کی قیمت دس کروڑلگی۔ کوئی ایم پی اے سترلاکھ تو کوئی پچاس لاکھ میں مان گیا۔

ضمیر فروش ایم پی ایزکواسکیموں کا لالچ بھی دیا گیا۔ خیبرپختنوخوا میں بھاؤ عروج پر رہا۔ ضمیر فروش ارکان اسمبلی نے ایک ارب پچانوے کروڑ بٹور لیے۔ ایک جماعت نے پچیس ایم پی ایز پچہتر کروڑ میں خریدے جبکہ دوسری نے چالیس ایم پی ایز پر ایک ارب بیس کروڑ روپے لٹائے۔

پنجاب میں اٹھارہ اضافی ووٹوں کی کہانی بھی کھل گئی۔ پنجاب میں فی ایم پی اے ایک کروڑ پر بک گیا۔

بلوچستان میں تو آوے کا آوا ہی بگڑا نکلا۔ یہاں ہر ووٹ پر تگڑے نوٹ ملے۔ فی ایم پی اے پانچ سے بارہ کروڑ میں فروخت ہوا۔ سات ایم پی ایز نے تقریبا پینتیس کروڑ روپے سے اپنی جیبیں گرم کیں۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: